‘युरोपमा यस वर्ष गर्मीले २३ हजारको मृत्यु’- विश्व - कान्तिपुर समाचार

‘युरोपमा यस वर्ष गर्मीले २३ हजारको मृत्यु’

कान्तिपुर संवाददाता

पेरिस — युरोपमा यस वर्षको गर्मीको लहरका कारण २३ हजार जनाभन्दा बढीको मृत्यु भएको एक फ्रान्सेली संस्थाले उल्लेख गरेको छ ।

सार्वजनिक तथ्यांकबारे अध्ययनअनुसन्धान गर्ने संस्था इन्सीलाई उद्धृत गर्दै रपोतेयर अखबारले फ्रान्समा मात्रै १० हजार ४ सय जनाको मृत्यु भएको उल्लेख गरेको छ । इन्सीको एक प्रतिवेदनमा गर्मीको लहरबाट जर्मनीमा कम्तीमा ४ हजार ५ सय, स्पेनमा ४ हजार, बेलायतमा ३ हजार २ सय र पोर्चुगलमा १ हजार जनाको मृत्यु भएको उल्लेख छ ।

फ्रान्सको सार्वजनिक स्वास्थ्य सेवा विभाग (साते पुब्लिक) ले यस वर्षको गर्मीमा फ्रान्समा १० हजार ४ सय २० जनाको मृत्यु भएको गणना गरेको छ । उनीहरूले जुन १ देखि सेप्टेम्बर १५ बीचमा ज्यान गुमाएका जनाइएको छ । ज्यान गुमाउनेमध्ये ८० प्रतिशत ७५ वर्ष र सोभन्दा माथिका छन् । सन् २००३ को गर्मीको लहरले फ्रान्समा १५ हजार जनाको मृत्यु भएको थियो ।

प्रकाशित : मंसिर ९, २०७९ ०८:११
प्रतिक्रिया
पठाउनुहोस्

मलेसियाका प्रधानमन्त्रीमा अनवर

एजेन्सी

क्वालालम्पुर — मलेसियाका विपक्षी नेता अनवर इब्राहिम प्रधानमन्त्रीमा नियुक्त भएका छन् । अनिर्णीत चुनावपछिको राजनीतिक गतिरोध अन्त्य गर्दै दरबारले अनवरको नाम प्रधानमन्त्रीका लागि अनुमोदन गरेको हो ।

‘मलेसियाली शासकहरूका शाही महामहिमहरूको विचारलाई ध्यानमा राखी अनवर इब्राहिमलाई मलेसियाको १० औं प्रधानमन्त्रीमा नियुक्त गर्न स्वीकृति दिइएको छ,’ दरबारद्वारा जारी विज्ञप्तिमा उल्लेख छ ।

भर्खरै सम्पन्न निर्वाचनमा अन्वरको पाकतान हारापान गठबन्धनले भ्रष्टाचार विरोधीका रूपमा प्रस्तुत हुँदै ८२ सिट जितेको थियो । तर आवश्यक ११२ सिट बहुमत भने पुर्‍याउन असफल भएको थियो । त्यस्तै, पूर्वप्रधानमन्त्री मुहिद्दिन यासिनको पेरिकाटन नेसनल (राष्ट्रिय गठबन्धन) ब्लकले ७३ मत प्राप्त गरेको छ ।

इस्लामवादी पार्टीले समर्थन गरेका मुहिद्दिनले पत्रकार सम्मेलनमा कुनै पनि समूहसँग पर्याप्त सिट संख्या नभएकाले राजाले सुरुमा आफू र अनवरलाई संयुक्त सरकार बनाउन आग्रह गरेको बताएका थिए । मलेसियाका राजा सुल्तान अब्दुल्लाह अहमद शाहले जारी राजनीतिक गतिरोध तोड्नका लागि दुई प्रतिद्वन्द्वीलाई बोलाएका थिए ।

प्रकाशित : मंसिर ९, २०७९ ०८:०९
पूरा पढ्नुहोस्
प्रतिक्रिया
पठाउनुहोस्
×