मलेसियाका प्रधानमन्त्रीमा अनवर- विश्व - कान्तिपुर समाचार
कान्तिपुर वेबसाईट
AdvertisementAdvertisement

मलेसियाका प्रधानमन्त्रीमा अनवर

एजेन्सी

क्वालालम्पुर — मलेसियाका विपक्षी नेता अनवर इब्राहिम प्रधानमन्त्रीमा नियुक्त भएका छन् । अनिर्णीत चुनावपछिको राजनीतिक गतिरोध अन्त्य गर्दै दरबारले अनवरको नाम प्रधानमन्त्रीका लागि अनुमोदन गरेको हो ।

‘मलेसियाली शासकहरूका शाही महामहिमहरूको विचारलाई ध्यानमा राखी अनवर इब्राहिमलाई मलेसियाको १० औं प्रधानमन्त्रीमा नियुक्त गर्न स्वीकृति दिइएको छ,’ दरबारद्वारा जारी विज्ञप्तिमा उल्लेख छ ।

भर्खरै सम्पन्न निर्वाचनमा अन्वरको पाकतान हारापान गठबन्धनले भ्रष्टाचार विरोधीका रूपमा प्रस्तुत हुँदै ८२ सिट जितेको थियो । तर आवश्यक ११२ सिट बहुमत भने पुर्‍याउन असफल भएको थियो । त्यस्तै, पूर्वप्रधानमन्त्री मुहिद्दिन यासिनको पेरिकाटन नेसनल (राष्ट्रिय गठबन्धन) ब्लकले ७३ मत प्राप्त गरेको छ ।

इस्लामवादी पार्टीले समर्थन गरेका मुहिद्दिनले पत्रकार सम्मेलनमा कुनै पनि समूहसँग पर्याप्त सिट संख्या नभएकाले राजाले सुरुमा आफू र अनवरलाई संयुक्त सरकार बनाउन आग्रह गरेको बताएका थिए । मलेसियाका राजा सुल्तान अब्दुल्लाह अहमद शाहले जारी राजनीतिक गतिरोध तोड्नका लागि दुई प्रतिद्वन्द्वीलाई बोलाएका थिए ।

प्रकाशित : मंसिर ९, २०७९ ०८:०९
प्रतिक्रिया
पठाउनुहोस्

प्रदर्शनलाई समर्थन जनाएपछि इरानका दुई अभिनेत्री पक्राउ

एजेन्सी

काठमाडौँ — इरानका दुई लोकप्रिय अभिनेत्रीहरू देशभर चलेको विरोध प्रदर्शनलाई समर्थन जनाएपछि पक्राउ परेका छन् । हेंगामेह घाजियानी र कातायोन रिआहीलाई प्रहरीले पक्राउ गरेको हो ।

गत सेप्टेम्बरदेखि इरानमा देशव्यापी बनेको प्रदर्शनमा ती दुई अभिनेत्रीले समर्थन जनाएका थिए । जहाँ धार्मिक रित अनुसार हिजाब नपहिरिएको आरोपमा पक्राउ परेकी २२ वर्षीया माशा अमिनीको हिरासतमै मृत्यु भएपछि देशव्यापी रुपमा प्रदर्शन हुँदै आएको छ।

स्थानीय मिडियाका अनुसार टेलिभिजन सिरिजमा चर्चित अभिनेत्री रिआहीलाई आइतबार इरानी सुरक्षा फौजले पक्राउ गरेको हो। टिभी सिरिज 'जोसेफ द प्रोफेट' र 'द टेन्थ नाइट' साथै 'द लास्ट सपर' जस्ता फिल्ममा अभिनय गरी चर्चा कमाएकी अभिनेत्री रिआहीले अमिनीको मृत्युपछि आफ्नो इन्स्टाग्राममा स्कार्फ बिनाको एउटा भिडियो पोस्ट गरेकी थिइन्।

यस्तै 'एज सिम्पल एज द्याट', 'डेज अफ लाइफ' जस्ता फिल्ममा अभिनय गरेकी अभिनेत्री घाजिआनीले पनि आफ्नो इन्स्टाग्राममा गत शनिबार स्कार्फ बिनाको भिडियो सार्वजनिक गरेकी थिइन् । इन्स्टामा उनले आफ्नो भिडियो राख्दै उक्त भिडियो नै आफ्नो अन्तिम हुनसक्ने लेखेकी थिइन् । 'यदि मलाई केही भयो भने, म मेरो अन्तिम स्वाससम्म सधैं इरानका जनताको साथ रहनेछु,' उनले लेखेकी थिइन् ।

घाजिआनी भिडियो सार्वजनिक गरेको भोलिपल्ट नै सुरक्षा फौजबाट पक्राउ परेकी हुन् । उनीहरूलाई इरानी सुरक्षा विरुद्ध गतिविधि गरेको र इरानी शासनविरुद्ध प्रोपगान्डा फैलाएको आरोप लगाइएको छ । मानवअधिकार संगठनका अनुसार इरानमा सेप्टेम्बरयता भएको प्रदर्शनको क्रममा सुरक्षा फौजको कारबाहीमा ४७ बालबालिकासहित ३७८ जना मारिएका छन् । प्रदर्शन दबाएका कारण पछिल्लो समय इरान अन्तर्राष्ट्रिय समुदायमा पनि आलोचित भएको छ ।

प्रकाशित : मंसिर ६, २०७९ १८:२६
पूरा पढ्नुहोस्
प्रतिक्रिया
पठाउनुहोस्
x
×