सिड्नीमा नेपाल महोत्सव

कार्यक्रमलाई सम्बोधन गर्दै अस्ट्रेलियाका लागि नेपाली राजदूत कैलाशराज पोखरेलले एनआरएनएनले आयोजना गरेको नेपाली फेस्टिबलले अस्ट्रेलियामा नेपाली भाषा, कला, संस्कृतिको जग बसाउनको निम्ति महत्त्वपूर्ण हुने बताए । अस्ट्रेलियन समुदायमा बढ्दै गइरहेको नेपाली जनसंख्यालाई मध्यनजर गर्दै यस प्रकारका सांस्कृतिक पर्वले नेपाली पहिचान र मौलिकताको विकासमा टेवा पुग्ने मात्र नभएर नेपालमा पर्यटन प्रवर्द्धनमा पनि भूमिका खेल्ने उनको भनाइ छ ।

प्रत्येक २ वर्षमा आयोजना हुँदै आएको नेपाली विविधता र नेपाली मौलिक पन बोकेको नेपाली मेलाले यहाा हुर्कंदै गरेका ससाना बालबालिकाहरूलाई पनि विभिन्न नेपाली कला संस्कृतिको पहिचान गराउन मद्दत पुग्ने एनआरएनए अस्ट्रेलिया अध्यक्ष नन्द गुरुङले बताए । कार्यक्रममा प्रकाश सपुत, गायक दीपक बज्राचार्य, सन्दिप

क्षेत्री तथा रिदम ब्यान्डले प्रस्तुति दिएका थिए ।