इन्डोनेसियामा भूकम्प जाँदा ५० को मृत्यु, ७ सय घाइते- विश्व - कान्तिपुर समाचार
कान्तिपुर वेबसाईट
AdvertisementAdvertisement

इन्डोनेसियामा भूकम्प जाँदा ५० को मृत्यु, ७ सय घाइते

एजेन्सी

काठमाडौँ — इन्डोनेसियाको जाभा टापुमा ५ दशमलब ६ म्याग्निच्युडको भूकम्प जाँदा कम्तीमा ५० जनाको मृत्यु भएको छ । अरु सयौं घाइते भएको बताइएको छ । भूकम्पको धक्काले थुप्रै भौतिक संरचना भत्किएका छन् ।

अस्पतालसहित इस्लामिक स्कुल र अन्य सरकारी भवन पनि भूकम्पको क्रममा भत्किएका छन् । रोयटर्सका अनुसार कम्तीमा ३ सय भवन भत्किएका छन् ।

पश्चिम जाभा प्रान्तको सियान्जुर क्षेत्रलाई केन्द्रबिन्दु बनाएर सोमबार गएको उक्त भूकम्प १० किलोमिटरको गहिराइमा गएको हो ।

स्थानीय मिडियाका अनुसार कतिपय भौतिक संरचना भत्किँदा मानिसहरू पुरिएर थुनिएका छन् । साथै ७ सय मानिस घाइते भएको बताइएको छ ।

प्रकाशित : मंसिर ५, २०७९ १७:३७
प्रतिक्रिया
पठाउनुहोस्

सूर्यकुमारको शतकमा भारत विजयी

एजेन्सी

माउन्ट मउनगुई — सूर्यकुमार यादवको विष्फोटक शतकको मद्दतले भारतले दोस्रो ट्वान्टी- २० क्रिकेटमा न्युजिल्यान्डलाई ६५ रनले पराजित गरेको छ ।

यो जितपछि भारतले तीन खेलको शृंखलामा १–० को अग्रता लिएको छ । ‘प्लेयर अफ द म्याच’ सूर्यकुमारले ५१ बलमा नटआउट रहेर १ सय ११ रन बनाए ।

यसक्रममा टस हारेर पहिले ब्याटिङको निम्तो पाएको भारतले ६ विकेट गुमाएर १ सय ९१ रन बनाएको थियो । उसले ४९ बलमै आफ्नो शतक पूरा गरेका थिए । समग्रमा उनले ११ चौका तथा सात छक्का प्रहार गरे । भारतीय इनिङको अन्त्यतिर न्युजिल्यान्डका टिम साउथीले ह्याट्रिक गरे पनि त्यसको अर्थ रहेन् ।

जवाफमा न्युजिल्यान्ड १८.५ ओभरमा अलअआउट हुन अगाडि १ सय २६ रन मात्र बनाउन सक्यो । भारतका लागि दीपक होडा सबैभन्दा सफल बलर रहे र उनले १० रन मात्र खर्चेर चार विकेट लिए । तीन खेल शृंखलाको तेस्रो तथा अन्तिम खेल मंगलबार हुनेछ । पहिलो खेल वर्षाका कारण वासआउट भएको थियो ।

प्रकाशित : मंसिर ४, २०७९ १७:४१
पूरा पढ्नुहोस्
प्रतिक्रिया
पठाउनुहोस्
x
×