केन्यामा पाकिस्तानी पत्रकार अर्शद शरीफको हत्या

घटनापछि उक्त हत्यामा कसको हात रहेको छ भन्ने बारे प्रहरीले अनुसन्धान गरिरहेको प्रहरी प्रवक्ता ब्रुनो शिओसोले बताएका छन् । स्थानीय सञ्चारमाध्यमले भने उनलाई नैरोबी–मगाडी राजमार्गमा गलत पहिचानका कारण गोली हानेर हत्या गरिएको जनाएका छन् ।

शरीफकी पत्नी जाभेरीया सिद्धिकीले सोमबार आफूले एक साथी, पति र मनपर्ने पत्रकार गुमाएको भन्दै ट्विट गरेकी छन् ।

शरीफ पाकिस्तानमा भ्रष्टाचारविरुद्धको रिपोर्टिङ साथै सरकारको आलोचकको रुपमा चिनिन्थे । उनी पछिल्लो समय एक गहन अनुसन्धानात्मक रिपोर्टिङमा व्यस्त थिए । शरीफको हत्याबारे पाकिस्तानी राष्ट्रपति अरिफ अल्भीले यस घटनाले पाकिस्तानको पत्रकारितामा ठूलो क्षति पुगेको प्रतिक्रिया दिँदै दु:ख व्यक्त गरेका छन् ।