बांग्लादेश डुंगा दुर्घटना : मृत्यु हुनेको संख्या ५० पुग्यो- विश्व - कान्तिपुर समाचार
कान्तिपुर वेबसाईट
AdvertisementAdvertisement

बांग्लादेश डुंगा दुर्घटना : मृत्यु हुनेको संख्या ५० पुग्यो

कान्तिपुर संवाददाता

काठमाडौँ — बांग्लादेशमा डुंगा दुर्घटनामा परी मृत्यु हुनेको संख्या ५० पुगेको छ ।आइतबार पञ्चगढ जिल्लाको उत्तरी भेगका करोतया नदीमा डुंगा पल्टिँदा ५० जनाको मृत्यु भएको हो ।

त्यस्तै करिब ४० जना हराइरहेको बांग्लादेशी सञ्चारमाध्यमले जनाएका छन् । मृत्यु हुनेमा २५ जना महिलासहित १२ जना बालबालिका र १२ जना पुरुष रहेको बताइएको छ ।

बोडेश्वरी मन्दिरमा महालय पूजामा सहभागी भएर फर्किने क्रममा डुंगा पल्टिएको ढाका ट्रिब्युनले जनाएको छ ।

प्रकाशित : आश्विन ११, २०७९ १०:१३
प्रतिक्रिया
पठाउनुहोस्

नयाँ नोट साट्न ४ बजेबाटै लाइनमा

सुवास विडारी

मकवानपुर — दसैंका लागि नयाँ नोट साट्न हेटौंडामा बिहान ४ बजेबाट सर्वसाधारण लाइनमा बसेका छन् । हेटौंडा–४ स्थित बैंक रोडमा अवस्थित नेपाल बैंक लिमिटेडमा नोट साट्ने सर्वसाधारणको घुइँचो नै लागेको छ ।

बैंकले आजबाट नयाँ नोट साट्ने भएपछि उनीहरु लाइनमा बसेका हुन् । हेटौंडा–११, थानाभर्‍याङका देवप्रसाद तिमल्सिना सुरुमै नयाँ नोट साट्ने भनेर बिहानैबाट लाइनमा बसेको बताए । ७० वर्षीया तिमल्सिनाले प्रत्येक वर्ष यसैगरी नयाँ नोट साट्ने गरेको बताए ।

हेटौंडा–१७, हटियाकी २२ वर्षीया सिर्जना थापा बिहान ५ बजेबाटै नयाँ नोट साट्न लाइनमा बसेकी छन् । उनी एक सय रुपैयाँ भाडा तिरेर अटोमा नयाँ नोट साट्न बैंकमा आएकी हुन् । ‘चिया पनि नखाई आएको । म आउँदा त धेरै जना लाइनमा बसिसक्नु भएको रहेछ,’ उनले भनिन् । नयाँ नोट नभएसम्म चाडपर्व आएको महसुस नहुने उनले बताइन् ।

बैंकहरुले आजबाट नयाँ नोट साट्ने जनाएको छ । गत वर्षजस्तै यो वर्ष पनि सर्वसाधारणले प्रतिव्यक्ति १८ हजार ५ सय रुपैयाँ बराबर नयाँ नोट सटही गर्न पाउने बैंकले जनाएको छ । यो ५ देखि १ सय रुपैयाँसम्मको एक–एकवटा बन्डल हो । बैंक तथा वित्तीय संस्थाले सर्वसाधारणलाई आजबाट नयाँ नोट सटही सुविधा दिने जनाएको छ । विशेषगरी दसैं, तिहार र छठका लागि सर्वसाधारणबाट नयाँ नोटको माग हुने गरेको छ ।

प्रकाशित : आश्विन ११, २०७९ ०९:५७
पूरा पढ्नुहोस्
प्रतिक्रिया
पठाउनुहोस्
×