एयर फ्रान्स ट्राफिकद्वारा तीन दिने हडताल घोषणा- विश्व - कान्तिपुर समाचार

एयर फ्रान्स ट्राफिकद्वारा तीन दिने हडताल घोषणा

ददी सापकोटा

पेरिस — एयर फ्रान्स ट्राफिकद्वारा सेप्टेम्बरको अन्त्यमा तीन दिने हडताल घोषणा गरेकोले कम्तीमा दुई हजार उडान रद्द हुने भएको छ । फ्रान्स एयर ट्राफिकले तलब, भत्ता र अन्य सुविधासहित थप माग गर्दै सेप्टेम्बरको २८, २९ र ३० का दिन हडताल आह्वान गरेका हुन् । यो हडतालले युरोपभरिका दर्जनौं विमान कम्पनीका उडानसमेत प्रभावित हुनेछन् ।

गत शुक्रबार पनि तलब र भर्तीको मुद्दालाई लिएर एयर ट्राफिक नियन्त्रकहरूले राष्ट्रिय हड्ताल गरेपछि फ्रान्समा शुक्रबार आन्तरिक र केही अन्तर्राष्ट्रिय गरी करिब एक हजार उडानहरू रद्द गरिएको थियो । हवाई ट्राफिक हडतालका कारण एयरलाइन्सहरू आफ्नो तीन दिनको तालिकामा आमूल कटौती गर्न बाध्य हुने छन् । जसकारण जारौं यात्रुले गम्भीर अवरोधको सामना गर्नुपर्नेछ ।

कर्मचारी युनियनका मागहरुलाई सुनुवाइ नगरेको भन्दै एयर ट्रफिक कर्मचारीहरुले गत शुक्रबार पनि हडताल गरेका थिए । फ्रान्सको उड्डयन प्राधिकरण (डिजिएसी) ले अहिलेसम्म आफ्ना मागबारे सुनुवाइ नगरेको भन्दै २८, २९ र ३० सेप्टेम्बरमा हडताल गरेको युनियनले उल्लेख गरेको छ ।

यदि युनियनसित फ्रान्सको उड्डयन प्राधिकरणले युनियनसित सम्झौता नगरेमा फ्रान्सका मात्रै होइन युरोपभरिका सयौं उडान प्रभावित हुनेछन् ।

प्राधिकरणका प्रबन्ध निर्देशक फ्रेडरिक सोलानोले भने कर्मचारीका मागबारे चर्चा र सम्पर्क गर्न नरोकिएको र छलफल जारी रहेको बताएका छन् । फ्रान्सको फ्रान्स हवाई ट्राफिक नियन्त्रक युनियन मुख्य संघ (एसएनसिटिए) ले तलब र कामको अवस्थालाई लिएर हडताल आह्वान गरेको जनाएको छ । युनियनले मुद्रास्फ्रीतिले कामदारको तलब घटेकाले मुद्रास्फ्रीति अनुसारको तलब हुनुपर्ने, कामको ज्याला वृद्धि र कर्मचारी अभाव रहेकाले थप भर्तीको माग गरेको छ ।

युनियनका सदस्यहरूमा ब्यागेज ह्यान्डलरहरू र प्राविधिक एयरपोर्ट स्टाफसमेत छन् । ती सबैले सेप्टेम्बर २९ मा बिहान साढे ४ देखि ७ बजेको बीचमा काम छोड्ने जनाएका छन् ।

युरोपमा न्युन भाडा (लो कस्ट) मा उडाउने भनिएका रायन् एयर, एजिजेटजस्ता प्रत्येक विमान कम्पनीका प्रत्येक दिन करिब ४ सय, एयर फ्रान्सका छोटो र मध्यम दुरीका ५५ प्रतिशत र लामो दुरीका १० प्रतिशत उडान रद्द हुने अनुमान छ ।

प्रकाशित : आश्विन ५, २०७९ २२:२१
प्रतिक्रिया
पठाउनुहोस्

कपनको आगलागीमा मृत्यु हुनेको संख्या ३ पुग्यो [अपडेट]

कान्तिपुर संवाददाता

काठमाडौँ — बुढानीलकण्ठ नगरपालिकास्थित कपनको एक घरमा आगलागी हुँदा मृत्यु हुनेको संख्या ३ पुगेको छ । राम मन्दिर नजिक ट्रेकिङ एजेन्सी सञ्चालकको घरमा बुधबार अक्सिजन सिलिन्डर पड्किएर आगलागी हुँदा तीन जनाको मृत्यु भएको काठमाडौं प्रहरीका एसएसपी भरत बोहराले कान्तिपुरलाई बताए । 'एजेन्सी सञ्चालकले भुइँतलामा सिलिन्डर राखेको रहेछ । त्यही फ्लाटमा बस्नेहरु तीन जनाको मृत्यु भयो । सञ्चालकको परिवार माथिल्लो तलामा बस्ने भएकोले सकुशल छन्,' उनले भने ।

शवहरु टिचिङमा लगिएको छ । मृतकको पहिचान खुल्न बाँकी रहेको एसएसपी बोहोराले बताए । उनका अनुसार दमकल, स्थानीय र प्रहरीको सहयोगमा आगलागी निभाइसकिएको छ ।

प्रकाशित : आश्विन ५, २०७९ २१:३८
पूरा पढ्नुहोस्
प्रतिक्रिया
पठाउनुहोस्
x
×