बेलायती महारानीको अन्त्येष्टि- विश्व - कान्तिपुर समाचार
कान्तिपुर वेबसाईट
AdvertisementAdvertisement

बेलायती महारानीको अन्त्येष्टि

कान्तिपुर संवादाता

लन्डन — बेलायतकी महारानी एलिजावेथ द्वितीयाको राजकीय सम्मानका साथ सोमबार अन्त्येष्टि गरिएको छ ।

लन्डनको ऐतिहासिक वेस्टमिन्स्टर आबी गिर्जाघरमा अन्तिम संस्कार समारोह आयोजना गरिएको हो । स्थानीय समयअनुसार सोमबार बिहान आयोजित समारोहमा बेलायतका नयाँ राजा चार्ल्स तृतीय, रानी (क्विन कन्सोर्ट) कमिला, अमेरिकी राष्ट्रपति जो बाइडेन र उनकी श्रीमती, फ्रान्सेली राष्ट्रपति इमानुयल म्याक्रों, ६ जना बेलायती पूर्वप्रधानमन्त्री, युरोपेली शाही परिवारका सदस्यहरू, विभिन्न देशका नेता गरी झन्डै २ हजार जना सहभागी थिए । अन्त्येष्टि समारोहमा परराष्ट्रमन्त्री नारायण खड्काले पनि भाग लिए । अन्त्येष्टि समारोहको नेतृत्व गरेका डिन अफ वेस्टमिन्स्टर डेभिड होइलले स्वर्गीय रानीले आजीवन वहन गरेको उत्तरदायित्वप्रति कृतज्ञता व्यक्त गरेको बीबीसीले जनाएको छ । होइलले एलिजाबेथ द्वितीयाले महारानी र राष्ट्रमण्डलको प्रमुखका रूपमा कैयौं वर्षसम्म उच्च जिम्मेवारीका लागि अटल प्रतिबद्धता प्रस्तुत गरेको पनि बताए ।

महारानीको शवपेटिका वेस्टमिन्स्टर आबी प्रवेश गर्दा श्लोकहरू गाइएको थियो भने प्रधानमन्त्री लिज ट्रसले पनि धार्मिक ग्रन्थको एक अध्याय पाठ गरेकी थिइन् । समारोहको अन्त्यतिर ‘द लास्ट पोस्ट’ धुन बजाइएपछि देशभर दुई मिनेट मौनधारण गरिएको बेलायती अखबारहरूले जनाएका छन् । शवपेटिका वेस्टमिन्स्टर एबी ल्याउँदै गर्दा स्कटिस तथा आइरिस रेजिमेन्टहरू, ब्रिगेड अफ गोर्खाज र रोयल एअर फोर्सका सैनिकहरूले शोक धुन बजाएका थिए ।

बेलायतको इतिहासमै सबैभन्दा बढी ७ दशकसम्म शासन गरेकी महारानी एलिजावेथ द्वितीयाको गत सेप्टेम्बर ८ मा निधन भएको थियो ।

प्रकाशित : आश्विन ४, २०७९ ०७:०७
प्रतिक्रिया
पठाउनुहोस्

घरायसी सामग्रीमा छुटको उत्साह

नगद छुट होस् या आकर्षक अफर अथवा लक्की ड्र या बम्पर अफरका रुपमा कम्पनीहरुले सर्वसाधारणको मन तानिरहेका छन्, आफ्नो बिक्री बढाइरहेका छन्
कान्तिपुर संवाददाता

काठमाडौँ — दसैं–तिहार र छठ पर्वलाई दृष्टिगत गरी घरायसी सामग्रीको बिक्रीवितरण गर्ने कम्पनीहरूले आफ्ना उत्पादनमा विभिन्न अफर ल्याउने क्रम तीव्र पारेका छन् । नगद छुट होस् या आकर्षक अफर अथवा लक्की ड्र या बम्पर अफरका रूपमा कम्पनीहरूले सर्वसाधारणको मन तानिरहेका छन्, आफ्नो बिक्री बढाइरहेका छन् । घरमा प्रयोग गरिने वासिङ मेसिन, माइक्रोवेभ ओभन, रेफ्रिजेरेटर, इलेक्ट्रिक कुकर जस्ता विद्युतीय सामग्रीका कम्पनीले यस्ता अफर ल्याएका हुन् ।

गोदरेजले आगामी दसैं–तिहारलाई लक्ष्य गरी होम अप्लायन्सहरूको खरिदमा ग्राहकले आकर्षक क्यासब्याक र उपहार पाउन सक्ने जनाएको छ । फ्रन्ट लोड वासिङ मेसिन किन्दा छुटका साथै ६ केजी, सेमी अटोमेटिक वासिङ मेसिन किन्दा २ केजी वासिङ पाउडर सित्तैमा दिइने कम्पनीको भनाइ छ । टप लोड वासिङ मेसिन खरिदमा आकर्षक छुटका साथै ३ केजी वासिङ पाउडर पाइने कम्पनीले बताएको छ । माइक्रोवेभ ओभन, रेफ्रिजेरेटर, एयर कुलर, छोटुकुल, चेस्ट फ्रिजर, एसी र भाइरोसिल्डको खरिदमा पनि आकर्षक छुट पाइने कम्पनीले जनाएको छ । गोदरेजको हरेक सामान खरिदमा अधिकतम २६ प्रतिशतसम्म छुट हुने कम्पनीको भनाइ छ ।

एलजीले पनि चाडपर्वलक्षित छुट र उपहार ल्याएको छ । एलजीले ‘चाडपर्वको समय उपहार र नगदमय’ नामक योजना ल्याएको हो । घरायसी र विद्युतीय सामग्रीमा नगद छुट तथा उपहार दिइनेछ । कम्पनीका अनुसार टीभी, साउन्डबार र होम अडियोको खरिदमा ग्राहकले छुट पाउनेछन् । साइडबाई साइड फ्रेन्च डोर रेफ्रिजेरेटर, इलेक्ट्रिक कुकर वा ओभन, डबल डोर रेफ्रिजेरेटरको खरिदमा ग्यास स्टोभ वा ह्यान्ड ब्लेन्डर र सिंगलडोर रेफ्रिजेरेटरको खरिदमा नगद छुट पाउने एलजीको आधिकारिक वितरक सीजी इलेक्ट्रोनिक्सले जनाएको छ ।

एलजी डिसवासर खरिदमा ग्राहकले डिसवासर किट, माइक्रोवेभ ओभन खरिद गर्दा किट र भ्याकुम क्लिनरको खरिदमा छुट पाउनेछन् । वासिङ मेसिन फ्रन्ट लोड ९ केजीमाथि वासर ड्रायरको खरिदमा इन्डक्सन कुकर वा फ्यान हिटर, वासिङ मेसिन फ्रन्ट लोड (८ केजीसम्म) को खरिदमा ६ केजीको एरियल म्याटिक डिटरजेन्ट र वासिङ मेसिन टप लोडको खरिदमा फ्री ड्राई आइरन ग्राहकले पाउनेछन् । स्पिल्ट रेसिडेन्सियल एयर कन्डिसनर र फ्लोर स्ट्यान्डिङ क्यासेट एयर कन्डिसनरको खरिदमा ग्राहकले ४ हजारको सेवा पाउने कम्पनीले बताएको छ ।

भान्साको उपकरणका लागि प्रसिद्ध एलिका ब्रान्डले पनि दसैं अफर ल्याएको छ । नेपालमा एलिका उत्पादनको आधिकारिक वितरक सीजी इलेक्ट्रोनिक्सअन्तर्गत ईओएल प्रालिले एलिका उत्पादनको खरिदमा ग्राहकलाई उपहार प्रदान गर्ने भएको हो । एलिकाको कुनै पनि सामान (चिम्नी, कुक टप, हब, कुकिङ रेन्ज, बिल्ट–इन ओभन, बिल्ट–इन माइक्रोवेभ ओभन) को खरिदमा सीजी ब्रान्डको इलेक्ट्रिक केट्टल उपहारस्वरूप प्रदान गरिने कम्पनीले जनाएको छ ।

५ वर्षदेखि नेपाली बजारमा उदाएको स्काइवर्थ होम अप्लायन्सले नेपाली बजारमा घरेलु उपकरणको व्यवसाय गर्दै आएको छ । केएल दुगड ग्रुपअन्तर्गतको कम्पनी स्मार्ट अप्लायन्सेस प्रालिले ‘क्यासब्याक दनादन, उपहार टनाटन’ योजना ल्याएको हो । ग्राहकले स्काइवर्थ होम अप्लायन्सको खरिदमा ३५ प्रतिशतसम्म क्यासब्याक पाउनुका साथै अन्य धेरै निःशुल्क उपहार प्राप्त गर्न सकिने कम्पनीले बताएको छ ।

यस्तै केन्ट आरओले पनि ‘दसैं–तिहार अफर : हरेक खरिदमा उपहार’ योजना ल्याएको छ । नेपालमा केन्ट उत्पादकहरूको आधिकारिक वितरक ईओएल प्रालिले चाडपर्वलाई लक्षित गरी ग्राहक योजना ल्याएको छ । भारत र नेपालमा पानी शुद्धीकरणमा परिचित केन्टले कुनै पनि आरओ खरिदमा सीजी ब्रान्डको इलेक्ट्रिक केट्टल उपहारस्वरूप प्रदान गरिने जनाएको छ । केन्ट ब्रान्डका अन्य वाटर प्युरिफायर, एयर प्युरिफायर, भ्याकुम क्लिनर, कीटनाशक उपकरण/डिसइन्फेक्टेन्ट र स्मार्ट किचन उपकरण पनि बजारमा उपलब्ध छन् । यो योजना भदौ १३ देखि देशभर सीमित अवधिका लागि रहेको कम्पनीको भनाइ छ । सामसङले समेत दसैं–तिहारको अवसरमा ‘उत्साह चाडपर्वको सम्बन्ध जीवनभरको’ नामक योजना ल्याएको छ ।

जसमा निःशुल्क जडानलगायत ग्राहकलाई खरिद मूल्यमा ३० प्रतिशतसम्म क्यासब्याक प्रदान गर्ने जनाएको छ । ग्राहकलाई टीभी, रेफ्रिजेरेटर वा वासिङ मेसिन खरिदका लागि यो समय उत्तम रहेको कम्पनीको भनाइ छ । यो अफर सामसङ टीभी, रेफ्रिजेरेटर र वासिङ मेसिनमा मात्र लागू हुने कम्पनीले जनाएको छ । सामसङको प्रिमियम रेन्जका टीभीमध्ये एउटामा अपग्रेड गर्दा निःशुल्क साउन्डबारसहित खरिदमा ३० प्रतिशतसम्म ग्राहकले छुट, रेफ्रिजेरेटर खरिदमा २५ प्रतिशतसम्म र ब्रान्ड न्यु सामसङ वासिङ मेसिन खरिदमा २२ प्रतिशतसम्म छुट दिइने कम्पनीको भनाइ छ ।

७५ इन्च वा त्यसभन्दा माथिको क्रिस्टल फोरके यूएचडी टीभी खरिद गर्दा १५ प्रतिशतसम्म क्यासब्याकको साथमा निःशुल्क साउन्डबार पाउन सकिनेछ । सामसङ फ्रेम टीभी पनि निःशुल्क साउन्डबारका साथमा १८ प्रतिशतसम्म छुटमा खरिद गर्न सकिनेछ । क्यूएलईडी टीभीको प्रत्येक मोडेलमा निःशुल्क साउन्डबारको साथमा १९ प्रतिशतसम्मको छुट प्रदान गरिने कम्पनीको भनाइ छ । फाइभ इन वन कन्भर्टिबल रेफ्रिजेरेटरमा (३४५ देखि ५५१ लिटरसम्म क्षमताका मोडेलमा) कुनै पनि रेन्जको खरिदमा २५ प्रतिशतसम्म क्यासब्याक ग्यारेन्टीको साथ पाइनेछ । कम्पनीका अनुसार ५७९ लिटर क्षमता भएको फ्रेन्च डोर रेफ्रिजेरेटर पनि २१ प्रतिशत छुटमा उपलब्ध छ । एआई इकोबबल वासर ड्रायरको ८ केजी तथा १२ केजी भेरिएन्टमा २० प्रतिशतसम्म क्यासब्याक ग्यारेन्टीसहित उपलब्ध छ । साथै ८ तथा ९ केजी क्षमताको हाइजिन स्टिमका साथ आउने फ्रन्ट लोडमा २२ प्रतिशतसम्म छुट पाउन सकिने कम्पनीको भनाइ छ । सामसङ टीभीमा १ वर्ष वारेन्टी र थप १ वर्ष वारेन्टी प्यानलहरूमा दिइएको छ । डीआईटी कम्प्रेसर (रेफ्रिजेरेटर) र एसीमा १० वर्ष, डीआईटी मोटर (वासिङ मेसिन) मा १० वर्षको वारेन्टी छ ।

नजिकिँदै गरेको चाडपर्वलाई लक्ष्य गर्दै नेपाली इलेक्ट्रोनिक्स ब्रान्ड सेन्साईले ‘३ को झट्का’ नामक योजना ल्याएको छ । उक्त योजनाअन्तर्गत सेन्साई ब्रान्डका कुनै पनि सामानको खरिदमा लक्की ड्रमार्फत २ भाग्यशाली ग्राहकले एप्पलको आइफोन १३ जित्न सक्नेछन् । तीन भाग्यशाली ग्राहकले एप्पलको आइप्याड १०.२ जित्न सक्नेछन् । बम्पर लक्की ड्रमार्फत १ भाग्यशाली ग्राहकले यामाहा आर १५ भीथ्री जित्न सक्ने कम्पनीले जनाएको छ । साथै सेन्साईले आफ्ना सामानमा विभिन्न किसिमका वारेन्टी र निःशुल्क डेलिभरी पनि प्रदान गर्नेछ । सेन्साईका सामान खरिद गरेपछि ग्राहकहरूले आफूलाई लक्की ड्रमा सहभागी गराउन ‘एसईएनएसईआई’ टाइप गरी आफ्नो नाम, ठेगाना र खरिद गरिएको सामानको वारेन्टी कार्ड नम्बर लेखेर ३१००३ मा एसएमएस गर्नुपर्नेछ ।

प्रकाशित : आश्विन ४, २०७९ ०७:०२
पूरा पढ्नुहोस्
प्रतिक्रिया
पठाउनुहोस्
×