कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १६१

रुसले युरोपमा पठाउँदै आएको ग्यास निर्यात घटाउने

कान्तिपुर संवाददाता

काठमाडौँ — रुसले युरोपमा आपूर्ति गर्दै आएको ग्यास भारी मात्रामा कटौती गर्ने भएको छ । रुस-युक्रेन युद्ध चलिरहँदा युक्रेनको समर्थन गरेका युरोपेली देशमा रुसले पठाउँदै आएको ग्यास कटौती गर्ने बताएको अन्तर्राष्ट्रिय समाचार संस्था रोयटर्सले बताएको छ । 

रुसले युरोपमा पठाउँदै आएको ग्यास निर्यात घटाउने

रुसको विख्यात इन्धन कम्पनी गाजप्रोमले युरोपमा पठाउँदै आएको ग्यास आपूर्ति कटौती गर्ने भएको हो । युरोपमा रुसले नर्ड स्ट्रिम पाइपलइनमार्फत ग्यास पठाउँदै आएको छ । कम्पनीका अनुसार उक्त पाइपलाइनमा अर्को एउटा टर्बाइन रोक्दा दैनिक ग्यास उत्पादनमा २० प्रतिशतले कमी आउँछ‚ यो हुनु भनेको हाल भइरहेको आपूर्तिभन्दा आधा घट्नु हो ।

रुसले ग्यास आपूर्तिमा कटौती गर्ने भनेसँगै युरोपेली राष्ट्र जर्मनीले ग्यासको आपूर्ति सीमित गर्नुमा रुससँग कुनै ठोस कारण नभएको बताएको छ ।

रुसबाट जर्मनीसम्म ग्यास पुर्‍याउने नर्ड स्ट्रिम १ पाइपलाइनबाट केही साताअघि देखि नै पाइपालइनको क्षमताभन्दा कम ग्यास आपूर्ति गरिँदै आएको थियो । यसै महिना उक्त पाइपलाइनलाई मर्मतसम्भार गर्ने भन्दै १० दिनका लागि पूर्ण रुपमा बन्द गरिएको थियो ।

गत वर्ष युरोपेली संघमा आवश्यक भएको मध्ये ४० प्रतिशत ग्यास रुसबाट आपूर्ति भएको थियो । रुसले ग्यास आपूर्तिमा कटौती गर्ने बताएसँगै युरोपियन कमिसनले आफ्ना सदस्य मुलुकलाई आगामी ७ महिनासम्म ग्यासको खपत १५ प्रतिशत घटाउन आग्रह गरेको बीबीसीले उल्लेख गरेको छ ।

प्रकाशित : श्रावण १०, २०७९ १०:३५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?