१७.१२°C काठमाडौं
काठमाडौंमा वायुको गुणस्तर: १५७

रुसी क्षेप्यास्त्र आक्रमणमा १८ युक्रेनी मारिए

एजेन्सी

किभ — रुसी फौजले गरेको क्षेप्यास्त्र आक्रमणमा युक्रेनमा कम्तीमा १८ जनाको मृत्यु भएको छ । देशको क्रेमेन्चुक औद्योगिक क्षेत्रमा सोमबार रुसले ‘एक्स–२२’ क्षेप्यास्त्र प्रहार गरेको थियो ।

रुसी क्षेप्यास्त्र आक्रमणमा १८ युक्रेनी मारिए

आक्रमणपछि ३६ जना सम्पर्कविहीन छन् । उनीहरूको खोजी कार्य भइरहेको अधिकारीहरूले जनाएका छन् ।

‘घटनामा घाइते भएकामध्ये २५ जनाको सघन उपचार कक्षमा उपचार गराइएको छ,’ एक अधिकारीले भने । आक्रमणका कारण भौतिक संरचनामा ठूलो क्षति पुगेको जनाइएको छ । क्षेप्यास्त्र प्रहार गरिएका बेला घटनास्थलमा झन्डै एक हजार सर्वसाधारण थिए । घटनामा ज्यान गुमाउनेहरूको संख्या यकिन भइनसकेको जनाइएको छ । जर्मनीमा जी–७ शिखर सम्मेलनका सहभागी नेताहरूले युक्रेनमाथिको आक्रमण रोक्न रुसविरुद्ध कडा कदम चालिने चेतावनी दिइरहेका बेला रुसी फौजले क्षेप्यास्त्र आक्रमण गरेको हो ।

युक्रेनले उत्तर एटलान्टिक सन्धि संगठन (नाटो) को सदस्यता लिने तयारी गरेपछि गत फेब्रुअरी २४ मा रुसले आक्रमण सुरु गरेको हो । अन्तर्राष्ट्रिय समुदायले रुसमाथि दबाब सिर्जना गरिरहेको भए पनि तत्काल युद्ध रोकिने कुनै संकेत छैन । रुसले युक्रेनमाथि आक्रमण सुरु गरेयता करिब ५ हजार युक्रेनी सर्वसाधारणको मृत्यु भइसकेको र कम्तीमा ५ हजार घाइते भएका राष्ट्रसंघले जनाएको छ ।

त्यस्तै, युद्धका कारण दुवै पक्षका हजारौं सुरक्षाकर्मीले ज्यान गुमाएका छन् भने ६९ लाख युक्रेनी विस्थापित भइसकेका छन् । तीमध्ये ५८ लाखले शरणार्थीका लागि विभिन्न देशमा आवेदन दिएका छन् । २१ लाख स्वदेश फर्किसकेका राष्ट्रसंघीय शरणार्थी निकायले जनाएको छ । कम्तीमा ८० लाख युक्रेनी भने देशभित्रै विस्थापित भएको जनाइएको छ । युद्ध चर्कंदै गएपछि पोल्यान्ड, हंगेरी र स्लोभाकियाले युरोपेली संघअन्तर्गतका देशका लागि सीमा खुला गरेका कारण कतिपय विस्थापित अन्य देशमा पुगेका छन् । संघले युक्रेनबाट विस्थापितलाई ३ वर्षसम्म सदस्य राष्ट्रमा बस्न र काम गर्न पाउने अधिकार दिएको छ ।

प्रकाशित : असार १५, २०७९ ०७:५८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?