अमेरिकाले गलत सूचना फैलायो : चीन- विश्व - कान्तिपुर समाचार

अमेरिकाले गलत सूचना फैलायो : चीन

एजेन्सी

काठमाडौँ — चिनियाँ विदेश मन्त्रालयले अमेरिकाले चीनबारे भ्रामक टिप्पणी दिएको भन्दै अमेरिकी अधिकारीको अभिव्यक्तिमा आपत्ति जनाएको छ । अमेरिकी विदेशसचिव एन्टोनी ब्लिन्केनले सुरक्षा दृष्टिकोणलाई मध्यनजर गर्दै बेइजिङको ‘बढ्दो प्रभाव’लाई सन्तुलित गर्नुपर्ने प्रतिक्रिया दिएपछि चिनियाँ विदेश मन्त्रालयको प्रतिक्रिया सार्वजनिक भएको हो ।

चिनियाँ विदेश मन्त्रालयका प्रवक्ता वाङ वेनबिनले आयोजना गरेको पत्रकार सम्मेलनमा ब्लिङकेनको भाषणले चीनबारे ‘गलत सूचना फैलाएको, चीनबाट सुरक्षा खतरा हुने भन्ने विषयलाई बढाइचढाइ गरेको, चीनको आन्तरिक मामिलामा हस्तक्षेप गरेको र चीनको स्वदेश तथा तथा विदेश नीतिलाई निन्दा गरेको’ बताएका छन् । वाङ वेनबिनले नियमित पत्रकार सम्मेलनमा यस्तो प्रतिक्रिया दिएक हुन् ।

चीनले आफ्नो बढ्दो प्रभाव र विश्वव्यापी महत्वाकांक्षाबारे पछिल्ला दिनहरूमा संयुक्त राज्य अमेरिका र उसका पश्चिमी सहयोगी राष्ट्रहरूबाट चेतावनीको स्वरको सामना गर्नुपरेको छ ।

बिहीबारको मन्तब्यमा ब्लिन्केनले चीनको ‘अन्तर्राष्ट्रिय अवस्थालाई पुनः आकार दिने अभिप्राय' बारे चेतावनी दिएका थिए । साथै विश्वव्यापी व्यवस्थामा सुरक्षाको लागि आह्वान समेत गरेका थिए ।

यस्तै चीनले विश्वभरका देशहरूसँग ताइवानको सम्बन्ध टुटाएको र ताइवानमा चीनले तनाव बढाएको अमेरिकी अधिकारीको आरोप थियो । ताइवानलाई अन्तर्राष्ट्रिय संगठनहरूमा भाग लिनबाट चीनले रोकेको भन्दै अमेरिकी अधिकारीले चीनप्रति रोष प्रकट गरेका थिए । ब्लिङकेनको उक्त अभिव्यक्तिको खण्डन गर्दै चीनले यसको यसको कुटनीतिक रूपमा विरोध गर्ने वाङले बताएका हुन् ।

प्रकाशित : जेष्ठ १३, २०७९ २०:५७
प्रतिक्रिया
पठाउनुहोस्

भारतद्वारा मुस्ताङको लोमान्थाङमा गुम्बा विद्यालयको स्तरोन्नति

कान्तिपुर संवाददाता

काठमाडौँ — भारत सरकारको अनुदान सहयोगमा मुस्ताङ जिल्लाको लोमान्थाङ गााउँपालिका ३ छोनहुपस्थित श्रीपाल एवं नाम्ग्याल गुम्बा विद्यालयको भवन स्तरोन्नति भएको छ । स्तरोन्नतिपछि शुक्रबार नेपालका लागि भारतीय कार्यवाहक राजदूत नामज्ञ सी खम्पाले उक्त भवनको उद्घाटन गरेकी छन् ।

उक्त समारोहमा उनले विद्यालयलाई एउटा स्कुल बस र घरपझोङ गाँउपालिकालाई एउटा एम्बुलेन्ससमेत प्रदान गरिन् । भारतीय राजदूतावासका अनुसार ‘भारत-नेपाल विकास सहकार्य’ कार्यक्रम एवम् उच्च प्रभाव सामुदायिक विकास परियोजनाअनुरुप भारत सरकारको अनुदान सहयोगमा २ करोड ६३ लाख रुपैयाँ लागतमा उक्त भवन स्तरोन्नति भएको हो ।

जिल्ला समन्वय समिति मुस्ताङले यस परियोजनाको कार्यान्वयन गरेको हो । यो परियोजना भारत स्वतन्त्र भएको ७५ वर्षको उत्सव मनाउन भारत सरकारले अघि सारेको ‘भारतएट७५ आजादीका अमृत महोत्सव’ अन्तर्गत यस वर्ष नेपालमा उद्घाटन गरिने ७५ वटा परियोजनाहरू मध्येको एक रहेको दूतावासले जनाएको छ ।

सन् २००३ यता भारतले नेपालमा ५ सय २७ भन्दा बढी उच्च प्रभाव सामुदायिक विकास परियोजनाहरू अघि बढाइसकेकोमा स्वास्थ्य, शिक्षा, खानेपानी, कनेक्टिभिटी, सरसफाई र अन्य सार्वजनिक सुविधाका क्षेत्रमा नेपालका सातैवटा प्रदेशमा ४ सय ७० वटा परियोजना सम्पन्न भइसकेको दूतावासद्वारा जारी विज्ञप्तिमा उल्लेख छ । तीमध्ये मुस्ताङ जिल्लाका १५ गरी गण्डकी प्रदेशमा ५७ वटा रहेका छन् ।

प्रकाशित : जेष्ठ १३, २०७९ २०:४१
पूरा पढ्नुहोस्
प्रतिक्रिया
पठाउनुहोस्
×