किभ — युक्रेनले डोन्बास क्षेत्रमा युद्धविराम गर्न अस्वीकार गरेको छ । रुसले पछिल्ला दिनमा पूर्वी क्षेत्र डोन्बासमा आक्रमण तीव्र पारिरहेको भए पनि युक्रेनले युद्धविराम गर्न अस्वीकार गरेको हो ।
युक्रेनी राष्ट्रपति भ्लोदिमिर जेलेन्स्कीका सल्लाहकार मिखाइलो पोडोल्याकले किभले मस्कोसँग कुनै सम्झौता स्वीकार नगर्ने स्पष्ट पारेका हुन् ।
रुसले युक्रेनको बन्दरगाह सहर मरिउपोलमाथि नियन्त्रण कायम गरेपछि डोन्बासका दुई क्षेत्रमध्ये लुहान्स्कमा आक्रमण बढाएको हो ।