२१.१२°C काठमाडौं
पाकिस्तान–अफगानिस्तान सीमा खुल्यो
इस्लामाबाद — पाकिस्तान र अफगानिस्तानबीचको एक प्रमुख सीमा नाका फेरि खुला गरिएको छ । सुरक्षा बलबीचको झडपमा कम्तीमा ३ जनाको मृत्यु भएको एक दिनपछि चमन–स्पिन बुल्दक सीमा नाका खोलिएको अधिकारीहरूले आइतबार जनाएका छन् ।
गत वर्ष तालिवान सत्तामा आएपछि छिमेकीहरूबीच सीमा तनाव बढेको छ । पाकिस्तानले आतंकवादी समूहहरूले अफगान भूमिबाट आक्रमण गर्ने योजना बनाएको आरोप लगाएको छ ।
पाकिस्तानको अर्धसैनिक सीमा बलका प्रवक्ताले एएफपीलाई भने, ‘सबै किसिमका गतिविधिका लागि सीमा फेरि खोलिएको छ ।’
प्रतिक्रिया
