रुसले युक्रेनमा हमला गरे परिणाम घातक हुन्छ : बोरिस जोन्सन- विश्व - कान्तिपुर समाचार

रुसले युक्रेनमा हमला गरे परिणाम घातक हुन्छ : बोरिस जोन्सन

कान्तिपुर संवाददाता

काठमाडौँ — बेलायती प्रधानमन्त्री बोरिस जोन्सनले युक्रेनमाथि रुसले आक्रमण गरे त्यसको परिणाम घातक सिद्ध हुने चेतावनी दिएका छन् ।

युक्रेनस्थित बेलायती दूतावासमा रहेका कर्मचारीलाई फिर्ता बोलाएको विषयमा गरिएको सम्बोधनमा प्रधानमन्त्री जोन्सनले यूक्रेनमाथि हमला गरेमा रूसमाथि बेलायतले आर्थिक नाकाबन्दी गर्ने चेतानी दिएको बीबीसीले उल्लेख गरेको छ ।

सम्बोधनकै क्रममा उनले बेलायतले विभिन्न रक्षात्मक हतियारहरू यूक्रेनमा पठाइरहेको भन्दै यूक्रेनी नागरिकको रक्षाका लागि बेलायत उभिएको बताए ।

‘विभिन्न जासुसीका अनुसार युक्रेन-रूस सीमाक्षेत्रमा रूसी सेनाका ६० समूह छन्‚ जसले युक्रेनको राजधानी किभमा आक्रमण गर्ने योजना बनाइरहेका छन्‚’ प्रधानमन्त्री जोन्सनले भने ।

प्रकाशित : माघ १०, २०७८ २०:३८
प्रतिक्रिया
पठाउनुहोस्

पाँचथरमा युवा संघद्वारा सरकारविरुद्ध मसाल जुलुस प्रदर्शन

लक्ष्मी गौतम

पाँचथर — पाँचथरमा प्रमुख प्रतिक्षी दल नेकपा एमालेको भ्रातृ संगठन राष्ट्रिय युवा संघले सरकारले निर्वाचन सार्न कसरत गरेको भन्दै मसाल जुलुस निकालेको छ ।

सोमबार साँझ सदरमुकाम फिदिम बजारमा युवा संघका कार्यकर्ताहरूले सरकारका निर्णय र गतिविधिको विरोध गर्दै मसाल जुलुस प्रदर्शन गरेका हुन् ।

पेट्रोलियम पदार्थमा भएको मुल्यवृद्धि, गैरजिम्मेवारी अभिव्यक्ति दिने मन्त्री रेणुकुमारी यादवमाथि कारवाही नगरेको र निर्वाचन सार्ने कसरत गरिरहेको भन्दै प्रदर्शनकारीहरूले सरकारको विरोध गरेका हुन् ।

फिदिम बजारस्थित लिम्बुवान गेटबाट सुरु भएको मसाल जुलुस गणतन्त्र चोकमा पुगेपछि प्रहरीले हस्तक्षेप गर्दै मसाल खोसेको थियो ।

प्रहरीले मसाल खोसेलगत्तै आयोजित कोणसभालाई सम्बोधन गर्दै युवा संघका पाँचथरका अध्यक्ष कमल थपलियाले सरकारको गैरजिम्मेवार क्रियाकलाप विरुद्ध आफूहरूले आन्दोलन सुरु गरेको बताएका थिए ।

प्रकाशित : माघ १०, २०७८ २०:२८
पूरा पढ्नुहोस्
प्रतिक्रिया
पठाउनुहोस्
×