फ्रान्समा बर्ड फ्लूको प्रकोपपछि २५ लाख पन्छी मार्न आदेश

बर्डफ्लु फ्रान्सको दक्षिणी भागबाट फैलिएको थियो । साना र ठूला गरी २२६ विभिन्न शहरको फार्ममा रहेका सबै हाँस, कुखुरा र टर्कीहरू आगामी तीन हप्ता भित्र मार्नुपर्ने छ ।

कृषि मन्त्रालयका अनुसार नोभेम्बरको अन्त्यदेखि संक्रमणको कारण वा रोग तिब्ररुपमा फैलिएपछि सावधानी अपनाउन करिब १२ लाख चराहरू मारिसकिएको छ । यस क्षेत्रका किसानहरूले चरालाई आहारा कोचेर खुवाउने र कलेजोमा जम्मा भएको बोसो झिकेर विशेष परिकारका रुपमा खाइने फ्वा ग्रा व्यापक रूपमा उत्पादन गर्छन् । फ्रान्सेलीहरुले यो फ्वा ग्रा युरोप लगाएका विभिन्न सहरमा व्यापार गर्दै आएका छन् । फ्वा ग्रा विशेषरुपमा उत्पादन हुने न्यानो क्षेत्र भएकाले प्रत्येक पटक पन्छी मार्न लगाउँदा किसानलाई उचित क्षतिपूर्ति दिने गरिएको छ ।

पशुपालकहरुलाई आफ्ना फार्म पूर्णरुपमा खालि गरेर सरसफाइ गर्ने र किटाणुरहित प्रमाणित गरेर मात्रै राख्न पाइने निर्देशन दिइएको छ । कृषि मन्त्रालयको तथ्याङ्कअनुसार फ्रान्समा हालसम्म यो जाडोमा बर्ड फ्लुका २१६ प्रकोप रेकर्ड गरिसकिएको छ ।

गत वर्ष, फ्रान्सेली किसानहरूले भाइरसको कारण ३५ लाख हाँसलगायतका अन्य चराहरू मार्न बाध्य भएका थिए। धेरै अन्य युरोपेली देशहरू अहिले अत्यधिक संक्रामक मानिएको फ्लू एच५एन१ सँग लडिरहेका छन् ।