यमनको राजधानीमा हवाई हमला, ६ हुथी विद्रोहीको मृत्यु

यमनी सेनाका एक अधिकारीका अनुसार सोमबार राति भएको सो हमलामा परी अरु कयौँ हुथी विद्रोहीसमेत घाइते भएका छन् । हुथीहरूको बाहुल्यता रहेको यमनको राजधानी सानामा साउदी अरेबियाको नेतृत्वमा रहेको सेनाले विगत लामो समयदेखि हवाई हमला गर्दै आएको छ ।

सोमबारको आक्रमण पनि हुथीहरूलाई लक्ष्य गरेर गरिएको थियो । त्यस क्रममा उनीहरूका कयौँ आश्रयस्थल भत्काइदिएको बताइएको छ ।