टोंगामा शक्तिशाली ज्वालामुखी विस्फोट, छिमेकी देशमासमेत सुनामीको त्रास- विश्व - कान्तिपुर समाचार

टोंगामा शक्तिशाली ज्वालामुखी विस्फोट, छिमेकी देशमासमेत सुनामीको त्रास

एजेन्सी

टोंगा — दक्षिणी प्रशान्त महासागरस्थित पोलिनेसियन देश टोंगा टापुमा शनिबार शक्तिशाली ज्वालामुखी विस्फोट भएको छ । ज्वालामुखी विस्फोट भएसँगै समुद्रमा सुनामीसमेत आएको छ।

विस्फोट यति शक्तिशाली थियो कि ८०० किलोमिटरको दूरीमा पर्ने छिमेकी फिजीमा पनि आवाज आवाज सुनिएको थियो । साथै विस्फोटपछि टोंगामा ढुंगाको वर्षा भएको बताइएको छ । विस्फोटपछि फिजी र न्युजिल्याण्डमा पनि सुनामीको खतरा रहेको भन्दै सुरक्षित रहन सचेत गराइएको छ ।

विस्फोटको २० मिनेटपछि नै टोंगामा सुनामी आएको थियो । घटनापछि टोंगा सरकारले देशबासीहरूलाई सुरक्षित स्थानतर्फ भागेर जान भन्दै सूचना जारी गरेको छ। उक्त विस्फोटको दृश्य स्याटेलाइटमा पनि कैद भएको छ ।

स्थानीय समय अनुसार शनिबार साँझ ५ बजेर १० मिनेटमा ज्वालामुखी विस्फोट भएको अन्तर्राष्ट्रिय मिडियाले जनाएका छन् । र त्यसको २० मिनेटपछि सुनामी गएको थियो ।

विभिन्न अन्तर्राष्ट्रिय मिडिया समक्ष स्थानीयहरूले दिएको प्रतिक्रिया अनुसार विस्फोटको क्रममा कम्पनले घर नै हल्लिएको थियो । धेरै बेरसम्म यसरी घर हल्लिरहेको स्थानीयहरूले बताएका छन् ।

घटनापछि टोंगामा हवाई सेवा बन्द गरिएको छ । आकासमा धुवाँ आउनासाथ हवाई सेवा बन्द गरिएको थियो । साथै ज्वालामुखी विस्फोटको क्षेत्र २६० किलोमिटर रहेको बताइएको छ । जसलाई ज्यादै ठूलो मानिन्छ ।

यस क्षेत्रमा यसअघि पनि पटक पटक ज्वालामुखी विस्फोट भएको थियो । तर यस पटकको विस्फोट अघिल्लाभन्दा शक्तिशाली रहेको बताइएको छ । यस क्रममा स्थानीयहरू भागेर घरको छतमा र जमिनको उच्च स्थानमा पुगेका थिए ।

१६९ प्रायद्वीप मिलेर बनेको सानो देश टोंगामा केही लाख मात्रै जनसंख्या छ । जसमध्ये ३६ वटामा मात्रै मानिसको बसोबास छ । संवैधानिक राजतन्त्रात्मक व्यवस्था भएको यस देशलाई किङगम अफ टोंगा पनि भनिन्छ ।

प्रकाशित : माघ १, २०७८ १९:२४
प्रतिक्रिया
पठाउनुहोस्

प्रदेश १ मा थपिए ३२० कोरोना संक्रमित

कान्तिपुर संवाददाता

मोरङ — प्रदेश १ मा पछिल्लो २४ घण्टामा ३२० जनामा कोरोना संक्रमण पुष्टि भएको छ । ५८९ जनाको पीसीआर परीक्षण गर्दा २७२ र २६३ जनाको एन्टिजेन परीक्षण गर्दा ४८ जनामा संक्रमण भएको सामाजिक विकास मन्त्रालयले जनाएको छ ।

मन्त्रालयका अनुसार पीसीआर परीक्षणका आधारमा मोरङमा १२९, सुनसरीमा १११, झापामा १९, धनकुटामा ३ र प्रदेश १ बाहिरका १० जनामा संक्रमण देखिएको हो ।

मोरङको विराटनगरमा ११३, बुढीगंगामा ८, रंगेली र सुन्दरहरैचामा २–२, ग्रामथान, उर्लाबारी, कटहरी र पथरीशनिश्चरेमा २, सुनसरीको धरानमा ८७, इटहरीमा १४, रामधुनीमा ४, दुहवी र हरिनगरमा २–२, इनरुवा र स्थानीय तह नखुलेका २ जनामा संक्रमण पुष्टि भएको छ ।

झापाको भद्रपुरमा ५, विर्तामोडमा ३, मेचीनगरमा २, बुद्धशान्ति, अर्जुनधारा, बाह्रदशी, दमक, गौरादह, झापा गाउँपालिका र स्थानीयतह नखुलेका २, धनकुटाको धनकुटा नगरपालिकामा ३ र प्रदेश १ बाहिरका १० जनामा संक्रमण भएको मन्त्रालयले जनाएको छ ।

प्रदेश १ मा शनिबार १२ जना संक्रमणमुक्त भएका छन् । सक्रिय संक्रमितको संख्या १ हजार ३९७ रहेको सामाजिक विकास मन्त्रालयले जनाएको छ ।


प्रकाशित : माघ १, २०७८ १८:५६
पूरा पढ्नुहोस्
प्रतिक्रिया
पठाउनुहोस्
×