केन्यामा बाढीले बस बगाउँदा २३ को मृत्यु- विश्व - कान्तिपुर समाचार
कान्तिपुर वेबसाईट
AdvertisementAdvertisement

केन्यामा बाढीले बस बगाउँदा २३ को मृत्यु

कान्तिपुर संवाददाता

केन्या — केन्यामा बसलाई एन्जिउ नदीमा बाढीले बगाउँदा कम्तीमा २३ जनाको मृत्यु भएको छ । अन्तर्राष्ट्रिय सञ्चारमाध्यमका अनुसार सबै यात्रुहरू विवाह समारोहका लागि जाँदैथिए ।

शनिबार कितुइस्थित एन्जिउ नदीमा भएको उक्त दुर्घटनालाई स्थानीय अधिकारीहरूले डरलाग्दो भन्दै टिप्पणी गरेका छन् ।

स्थानीय मिडियाले भने मृतकको संख्या २३ भन्दा बढी रहेको दाबी गरेका छन् ।

दुर्घटनापछि केही यात्रुहरू हराइरहेकाले सुरक्षाकर्मी र स्वयंसेवकहरूले खोजी कार्य तीव्र पारेका छन् । यस क्रममा १२ जनाको उद्धारसमेत भएको बताइएको छ । जसमध्ये चार बालबालिका थिए ।

यद्यपि बसमा कति यात्रु थिए भन्नेबारे यकिन भएको छैन । स्थानीयहरूले दुर्घटनास्थलमा नदीको बहाव अत्यधिक बढेको बताएका छन् । जसले गर्दा उद्धार कार्य प्रभावित भएको छ ।

दुर्घटनापछि केन्याका उपराष्ट्रपति विलियम रुतोले मृतकप्रति श्रद्धाञ्जली अर्पण गरेका छन् । केन्यामा भारी वर्षाका कारण अरु स्थानमा पनि थुप्रै सडक अवरुद्ध बनेका छन् ।

प्रकाशित : मंसिर १९, २०७८ ००:५२
प्रतिक्रिया
पठाउनुहोस्

दाङमा हत्या अभियोगमा पक्राउ परेका चार जनालाई जन्मकैद

रासस

दाङ — तुलसीपुर उपमहानगरपालिका–१२ उरहरिका रामबहादुर वलीको हत्या अभियोगमा पक्राउ परेका विवेकसिंह ठकुरीसहित चार जनालाई जन्मकैदको फैसला सुनाइएको छ ।

जिल्ला अदालतका न्यायाधीश रितेन्द्रबहादुर थापाको एकल इजलासले ठकुरीसँगै सौरभ मल्ल, भरत शाही र रमेश केसीलाई जन्मकैदको सजाय सुनाएको हो । २०७६ असार २८ गते उरहरीमा खुकुरी प्रहार गरी वलीको हत्या गरेको उनीहरुमाथि अभियोग लागेको थियो । सोही घटनामा संलग्न शुभम मल्ल, तेजेश पिएम, अमृत वली, सुन्दर बस्नेत र सरोज बुढामगरलाई साढे १२ वर्ष कैद सजाय सुनाइएको छ ।

विक्कीले यसअघि २०६९ मङ्सिर ३० गते दाङको मोतीपुरका जितबहादुर चौधरीलाई गोली हानी हत्या गरेका थिए । त्यतिबेला उनको उमेर १५ वर्षमात्रै भएकाले चौधरीलाई अदालतले सुधारगृह पठाएको थियो ।

प्रकाशित : मंसिर १८, २०७८ २२:०१
पूरा पढ्नुहोस्
प्रतिक्रिया
पठाउनुहोस्
×