भारतको केरलमा कम्युनिस्ट नेताको हत्या, घटनामा आरएसएस संलग्न भएको आरोप
काठमाडौँ — भारतको केरलमा एक जना कम्युनिस्ट नेताको हत्या भएको छ । केरलको तिरुवल्लामा बिहीबार सीपीआईएम(एम) का स्थानीय सचिव सन्दीप कुमारको हत्या भएको हो ।
बिहीबार राति ८ बजे चक्कु प्रहार गरी उनको हत्या भएको समाचार संस्था एएनआईले जनाएको छ । प्रहरीका अनुसार उनको शरीरका ११ ठाउँका चक्कु प्रहारबाट घाउ भएको थियो । उपचारका लागि अस्पताल लैजाँदै गर्दा बाटोमै उनको मृत्यु भएको बथाइएको छ ।
प्रहरीका अनुसार सन्दीपले एक जना कथित रूपमा नशामा रहेका एक जना व्यक्ति र पसलेबीच भएको विवाद सुल्झाउन खोजेका थिए । त्यसपछि उनको मोटरसाइकललाई पछ्याइयो र उनको हत्या गरियो ।
CPI(M) strongly condemns #RSSterror
— CPI (M) (@cpimspeak) December 2, 2021
RSS has murdered one more of our comrades. PB Sandeep, CPI(M) Local Committee secretary was murdered by RSS criminals today at Peringara in Thiruvalla (Pathanamthitta District). pic.twitter.com/TaxaQ8M7Mb
सीपीआई(एम) ले घटनाको कडा निन्दा गर्दै हत्याका लागि राष्ट्रिय स्वयंसेवक संघ(आरएसएस) लाई जिम्मेवार ठहराएको छ । पार्टीले ट्विट गर्दै भनेको छ, 'आरएसएसले हाम्रा अर्का एकजना कामरेडको हत्या गरेको छ । सीपीआई(एम) का स्थानीय सचिव पीबी सन्दीपको तिरुवल्लाका परिनगरामा हत्या गरिएको छ।'
प्रकाशित : मंसिर १७, २०७८ १०:३२