कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

भारतको कर्नाटकमा भेटिए 'ओमिक्रोन' भेरिएन्टका २ संक्रमित

काठमाडौँ — भारतमा कोरोना भाइरसको ओमिक्रोन भेरिएन्ट संक्रमित भेटिएको छ । भारतको स्वास्थ्य मन्त्रालयले बिहीबार कर्नाटकमा २ जनामा ओमिक्रोन संक्रमित भेटिएको जनाएको छ ।

भारतको कर्नाटकमा भेटिए 'ओमिक्रोन' भेरिएन्टका २ संक्रमित

मन्त्रालयले संक्रमितहरु ६६ वर्ष र ४६ वर्षका पुरुष भएको र उनीहरुको कन्ट्याक ट्रेसिङको काम पनि भएको र अन्यको स्वास्थ्य परीक्षण पनि गरिएको जनाएको छ ।

भारतको स्वास्थ्य मन्त्रालयका सचिव लव अग्रवालका अनुसार जेनाेम सिक्वेन्सि‌ङद्वारा पत्ता लगाइएकाे हाे । स‌ंक्रमित दुवैमा कुनै गम्भिर लक्षणहरु नदेखिएकाे उनले बताए ।

सबैभन्दा पहिले नोभेम्बर २४ मा दक्षिण अफ्रिकामा याे भेरिएन्टको कोरोना पुष्टि भएको थियाे ।विश्व स्वास्थ्य संगठनले ओमिक्रोनलाई भेरिएन्ट अफ कन्सर्न भनेर घाेषणा गरिसकेकाे छ । भेरिएन्ट ठूलो संख्यामा उत्परिवर्तित भएकाे र तीव्र रूपमा फैलिने भन्दै सतर्क रहन स‌ंगठनले चेतावनी दिएको छ ।

नयाँ भेरिएन्ट भारतसहित २९ वटा देशमा फैलिसकेकाे छ । हालसम्म ३ सय ७३ जना संक्रमित भएका छन् । अमेरिका, क्यानडा, दक्षिण अफ्रिका, बोट्सवाना, जर्मनी, इजरायल, बेलायत, बेल्जियम आदि देशमा याे भेरिएन्ट देखा परिसकेकाे छ ।

प्रकाशित : मंसिर १६, २०७८ १६:५९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?