पेरुमा ७.५ म्याग्निच्यूडको शक्तिशाली भूकम्प

उनले प्रभावितहरूका लागि सहयोगको अपिल समेत गरेका छन् । आइतबार बिहान पेरुको अमेजन क्षेत्रमा ७.५ म्याग्निच्यूडको भूकम्प गएको हो । जसकारण स्थानीय आदिवासी समुदायका मानिसहरू सुरक्षित स्थानको खोजीमा सडकमा निस्किएका थिए ।

मानवीय क्षति नभए पनि केही भौतिक संरचनामा क्षति पुगेको बताइएको छ । घटनापछि राष्ट्रपति पेद्रोले सम्बन्धित मन्त्रालय र विभागहरूलाई सहयोग जुटाउन पनि निर्देशन दिएका छन् ।

स्थानीय मिडियाका अनुसार अमेजन क्षेत्रलाई केन्द्रविन्दु बनाएर भूकम्प गएको थियो । तैपनि राजधानी लिमा र अन्य छिमेकी सहरमा भूकम्पको ठूलो धक्का महसुस गरिएको थियो । भूकम्प ११२ किमि गहिराइसम्म गएको पनि बताइएको छ ।

भूकम्पपछि सुनामीको भने संकेत गरिएको छैन । आइतबार नै यसअघि ५.२ म्याग्निच्यूडको भूकम्पको महसुस गरिएको बताइएको थियो ।