जापानको प्रधानमन्त्रीमा पुनः किशिदा निर्वाचित- विश्व - कान्तिपुर समाचार
कान्तिपुर वेबसाईट
AdvertisementAdvertisement

जापानको प्रधानमन्त्रीमा पुनः किशिदा निर्वाचित

सिन्ह्वा

टोकियो — जापानको प्रधानमन्त्रीमा लिवरल डेमोक्रेटिक पार्टी (एलडीपी)का अध्यक्ष  फुमिओ किशिदा पुनः निर्वाचित भएका छन् ।

संसद्को विशेष अधिवेशनले उनलाई बहुमतका साथ निर्वाचित गरेको समाचारमा जनाइएको छ । गत अक्टोबर ३१ मा भएको पार्टीको अधिवेशनबाट उनी फेरि अध्यक्षमा निर्वाचित भएपछि अहिले प्रधानमन्त्रीमा पनि निर्वाचित भएका हुन् ।

गत अक्टोबर ४ मा पहिलो पटक प्रधानमन्त्रीमा निर्वाचित भएका किशिदाले अहिले दोस्रो पटक प्रधानमन्त्रीको जिम्मेवारी पाएका हुन् । उनले मन्त्रिपरिषद्को सदस्यमा पनि आफ्नो पहिलो कार्यकालका सहयात्रीहरुलाई नै निरन्तरता दिने अपेक्षा गरिएको छ ।

छोटो समयका लागि सञ्चालन गरिएको संसद्को विशेष अधिवेशनको अरु पनि केही महत्वपूर्ण कामहरु गरेको त्यहाँको संसद् सचिवालयले जनाएको छ । नयाँ सरकारले कोरोनाभाइरसको महामारीबाट प्रभावित भएको अर्थतन्त्रलाई पुनर्जिवित गर्ने कार्यलाई उच्च प्राथमिकतामा राखेको छ । अर्थतन्त्रलाई चलायमान गराउन सरकारले ‘गो टु ट्राभल’ अभियान समेत चलाउने तयारी गरेको अधिकारीहरुले जानकारी दिएका छन् ।

प्रकाशित : कार्तिक २४, २०७८ १९:३६
प्रतिक्रिया
पठाउनुहोस्

चीनमा सन् २०२१ को अन्त्यसम्म ७० प्रतिशतलाई कोरोना खोप लगाइने

सिन्ह्वा

बेइजिङ — चीनमा लक्षित जनसंख्याको कम्तीमा ७० प्रतिशतलाई कोभिड–१९ विरुद्धको खोप यसै वर्ष अर्थात् सन् २०२१ भित्रै दिइने चिनियाँ स्वास्थ्य आयोगले जनाएको छ । 

तस्बिर : सिन्ह्वा

आयोगका प्रमुख झेङ यीक्सिनले सिन्ह्वालाई दिएको अन्तर्वार्तामा समुदायस्तरमा कोभिड–१९ का केही संक्रमणका घटना देखिएको बताउँदै त्यसले कोभिड–१९ को रोकथाम र नियन्त्रणमा थप सचेतता अपनाउन आवश्यक रहेको सङ्केत गरेको बताए ।

खोप कार्यक्रमका बारेमा आमजनतालाई हिच्किचाहट नराख्न आह्वान गर्दै प्रमुख झेङले 'खोपको ग्रेट वाल' निर्माण गर्न जनता र सरकारबीच हातेमालो गर्न आवश्यक रहेको बताए ।

आयोगका अनुसार शनिबारसम्म चीनमा ७६ करोड ३० लाखभन्दा बढी डोज खोप लगाइएको छ । विश्वमै सबैभन्दा बढी खोप लगाउने मुलुक चीन नै भएको छ ।

विश्वव्यापी महामारीको रुप लिएको कोरोना भाइरस पहिलोपल्ट सन् २०१९ को डिसेम्बरमा चीनको हुबेई प्रान्तको राजधानी वुहानमा देखिएको थियो । सुरुमा चीनमा महामारी तीव्र रुपमा फैलिए पनि रोकथाम र नियन्त्रणका लागि चालेका कदमले गर्दा संक्रमण रोक्न सफल भयो ।

जोन्स होप्किन्स विश्वविद्यालयको कोरोना भाइरस रिसोर्सेस सेन्टरका अनुसार चीनमा अहिलेसम्म १ लाख ३ हजार १ सय ७६ जनामा संक्रमण पुष्टि भएको छ भने ४ हजार ८ सय ४६ जनाको मृत्यु भएको छ ।

प्रकाशित : जेष्ठ २५, २०७८ ०९:४५
पूरा पढ्नुहोस्
प्रतिक्रिया
पठाउनुहोस्
x
×