कुवेतको सेनामा अब महिला पनि भर्ना हुन पाउने- विश्व - कान्तिपुर समाचार
कान्तिपुर वेबसाईट
AdvertisementAdvertisement

कुवेतको सेनामा अब महिला पनि भर्ना हुन पाउने

एजेन्सी

कुवेत — कुवेतका महिलाहरु पनि अब यहाँ सेनामा भर्ना हुन पाउने भएका छन् । कुवेतको रक्षा मन्त्रालयका अनुसार यहाँ सैनिक अधिकृत र जवानमा भर्ना हुन पाउने भएका हुन् ।

कुवेत सरकारले यहाँका महिलालाई सेनामा भर्ना खुला गरेको यो पहिलो पटक हो । मंगलबार रक्षामन्त्री हमाद जाबेर अल सबाहले महिलाहरुका लागि अब लडाकूका विभिन्न श्रेणी र अधिकृत तहमा पनि भर्ना खुला गरिएको जानकारी दिए ।

“कुवेतका महिलाहरुका लागि अब उनीहरुका दाजुभाइसँगै सैन्य सेवामा प्रवेश गर्ने अवसर दिने समय आएको छ,” रक्षा मन्त्रालयले जनाएको छ ।

कुवेतका महिलाहरुले २००५ देखि मात्रै मताधिकार पाएका हुन् । वर्तमान संसदमा महिलाहरु नभए पनि २००५ यता उनीहरुले संसद र सरकारमा उपस्थिति जनाइसकेका छन् ।

प्रकाशित : आश्विन २७, २०७८ २१:१८
प्रतिक्रिया
पठाउनुहोस्

शाहरुखका छोराका वकिलको दावी - 'आर्यन निर्दोष छन्, उनलाई फसाउन खोजियो'

एजेन्सी

काठमाडौँ — बलिउडका अभिनेता शाहरुख खानका छोरा आर्यन खानलाई गत अक्टोबर २ मा मुम्बई प्रहरीले पक्राउ गर्‍यो । समुद्री किनारमा क्रूज सिपमा लागूऔषध सेवन गरिरहेको अवस्थामा मुम्बई प्रहरीले उनीसहित ८ जनालाई पक्राउ गरेको थियो ।

प्रहरीले हिरासतमा राखी उनीमाथि लागूऔषध मुद्दा चलाएको छ । यसबीचमा आर्यनको पक्राउबारे अनेक प्रतिक्रिया पनि आए । धेरैले आर्यनलाई भएकोसमेत दावी गरे ।

बुधबार आर्यनको जमानतबारे भएको बहसमा उनका वकिल अमित देसाइले उनी क्रूज सिपमा त्यस साँझ उपस्थित नै नभएको दावी गरेका छन् । वरिष्ठ अधिवक्ता देसाइका अनुसार आर्यन खान र अरबाज मर्चेन्ट प्रवेशद्वारमा पुग्नुअघि नै त्यहाँ प्रहरीले छापा मारिसकेका थिए ।

साथै आर्यनको साथबाट केही पनि चिज फेला नपरेको वकिलको जिकिर छ । साथै उनको साथमा पैसा समेत नभएको र आर्यनको पक्राउ परेका अरु युवाहरुसँग सम्बन्ध नभएको वकिलले तर्क गरेका छन् ।

मुम्बई प्रहरीको लागूऔषध नियन्त्र शाखाले भने आर्यन उक्त समूहमा सहभागी भएको खुलासा गर्दै उनलाई जमानत दिन नमिल्ने बताएको छ ।

आर्यन खानका वकिलले भने उनलाई फसाइएको तर्क गरेका छन् । आर्यनको साथमा केही नभएकाले उनीमाथि गलत आरोप लगाइएको वकिलको जिकिर छ ।

गत अक्टोबर २ को राति शाहरुखका २३ वर्षीय छोरा आर्यनसहित ८ युवाहरु समुद्री किनारस्थित क्रूज सिपबाट लागूऔषध सेवन गरिरहेको अवस्थामा पक्राउ परेका थिए ।

प्रकाशित : आश्विन २७, २०७८ १८:२४
पूरा पढ्नुहोस्
प्रतिक्रिया
पठाउनुहोस्
×