दुई दिनदेखि घना जंगलमा बेपत्ता बालिका यसरी भेटिइन्

प्रहरीका अनुसार जुलिया स्लिगर्स नाम गरेकी ती बालिका हाइपोथेर्मियाको रोगबाट पीडित छिन् । उद्वार टोलीले बालिका उद्वार गरेपछि स्थानीय प्रहरीले यसबारे विज्ञप्ति सार्वजनिक गर्दै घटनाबारे जानकारी दिएको छ ।

जुलिया परिवारकै दुई सदस्यहरुसँग बोहेमियन जंगलमा हाइकिङ गर्ने क्रममा आइतबार बर्लिनबाट बेपत्ता भएकी थिइन् । दाइहरुसँग हाइकिङ गरिरहँदा केही बेर विश्राम लिने क्रममा उनी छुटेकी थिइन् ।

अरु दुई बालकलाई भने आइतबार साँझ वाल्डमुएन्चेनस्थित बेभारियन जंगल नजिकै रहेको भेटिएको थियो । तर बालिका भने चिसो र घना जंगल क्षेत्रबाट हराएकी थिइन् । बालिकाको खोजीका लागि सयौँ जर्मन र चेक प्रहरी अधिकृत खटाइएको थियो । साथै ४० जना अग्नि नियन्त्रक, हेलिकोप्टर र तालिमप्राप्त कुकुर समेत खटाइएको थियो । बोहेमियन जंगल यति घना र ठूलो छ कि जहाँ प्रहरी अधिकारीहरुले स्वयंसेवकहरुलाई खोजीको क्रममै हराउनसक्ने डरले खोजी कार्यमा संलग्न नहुन आग्रह गरेका थिए ।