अमेरिका र क्यानडाको जनसंख्याभन्दा धेरैले मन पराए मेङको स्वागत कार्यक्रम- विश्व - कान्तिपुर समाचार

अमेरिका र क्यानडाको जनसंख्याभन्दा धेरैले मन पराए मेङको स्वागत कार्यक्रम

एजेन्सी

बेइजिङ — क्यानडाको तीन वर्षे नजरबन्दपछि शनिबार चीन फर्किएकी हुवावेकी आर्थिक मामिला प्रमुख मेङ वेनझाओको प्रत्यक्ष प्रसारण कार्यक्रम अत्यधिक दर्शकले हेरेका छन् । चीनको सञ्चारमाध्यम चाइना मिडिया ग्रुपको मोबाइल र वेब प्लेटफर्ममा प्रसारण गरिएको मेङको स्वागत कार्यक्रमलाई ४० करोड दर्शकले मन पराएका छन् ।

हुवावेकी आर्थिक मामिला प्रमुख मेङ क्यानडाबाट छुटेपछि शनिबार राति ग्वाङदोङ प्रान्तको सेङझेनस्थित अवतरण गरेकी थिइन् । उनलाई स्वागत गर्न सयौँ प्रशंसकहरु विमानस्थलमै पुगेका थिए । चीनले उनलाई स्वागत गरिरहेको कार्यक्रमलाई विभिन्न सञ्चारमाध्यमले प्रत्यक्ष प्रशारण गरेका थिए । सोही क्रममा चाइना मिडिया ग्रुपले उक्त स्वागत कार्यक्रमबारे गरेको प्रत्यक्ष प्रसारण व्यापक रुपमा चर्चित बनेको हो ।

चाइना मिडिया ग्रुपका अधिकारीहरुले समेत उक्त कार्यक्रम अत्याधिक मानिसले हेरेको र लाइक गरेको जानकारी दिएका छन् । मेङको उक्त कार्यक्रम झण्डै ४३ करोडले अवलोकन गरेका थिए । गत शुक्रबार अमेरिकाले सहमति दिएपछि मात्रै मेङलाई क्यानडाले रिहा गरेको बताइएको छ ।

'अन्तत म घर आइपुगेँ । यो जनताहरुको शक्ति हो,' समर्थकहरुको भीडलाई सम्बोधन गर्दै मेङले भनेकी थिइन् । यस्तै उनले अमेरिकाले आफूमाथि लगाएको आरोपको खण्डन समेत गरेकी छन् । मेङको स्वागतका लागि समर्थकहरु चीनको झन्डा र प्लेकार्ड बोकेर विमानस्थलमा पुगेका थिए ।

मेङको स्वागत कार्यक्रमलाई चिनियाँ मिडियाले मध्यरातसम्म प्रत्यक्ष प्रसारण गरेका थिए । चाइना मिडिया ग्रुपले मेङको आगमन लगत्तै निरन्तर प्रत्यक्ष प्रसारण गरेको हो । मेङको कार्यक्रम हेर्ने र लाइक गर्ने ४० करोड दर्शकको संख्या अमेरिका र क्यानडाको कुल जनसंख्या भन्दा पनि धेरै हो । मेङको स्वागत मन पराएका ती इन्टरनेट युजर्सलाई चिनियाँ मिडियाले मातृभूमिको शक्तिको रुपमा समेत व्याख्या गरेका छन् ।

सम्बन्धित समाचार

प्रकाशित : आश्विन १०, २०७८ १७:४१
प्रतिक्रिया
पठाउनुहोस्

वर्षाले भत्किएका सडकको तत्काल निर्माण गर्न संसदीय समितिको निर्देशन

कान्तिपुर संवाददाता

काठमाडौँ — प्रतिनिधिसभा अन्तर्गतको विकास तथा प्रविधि समितिले बडा दसैंलाई मध्यनजर गर्दै वर्षाका कारण क्षति भएका सडकहरुको निर्माण तत्काल सम्पन्न गर्न सरकारलाई निर्देशन दिएको छ । सिंदरबारमा आइतबार बसेको समिति बैठकले वर्षाका कारण क्षति भएका सडकहरुको निर्माणलाई तत्काल सम्पन्न गर्न गृह मन्त्रालय र भौतिक पूर्वाधार तथा यातायात मन्त्रालयलाई निर्देशन दिएको हो । 

बैठकमा समिति सभापति कल्याणीकुमारी खड्काले समितिको बैठकले कोरोना महामारीलाई मध्यनजर गर्दै सवारी सानधमा सिट क्षमताअनुसार यात्रु राख्न, स्वास्थ्य मापदण्ड पूर्ण पालना गर्न, लामो दूरीमा चल्ने यात्रुहरुको भाडादर देखिने ठाउँमा टास्न, भौतिक रुपमा लामबद्ध भएर टिकट काट्ने व्यवस्था हटाइ अनलाइन प्रणालीबाट टिकट बुकिङको व्यवस्था गर्न,अनलाइनबाट टिकट खरिद गर्दा भाडादरमा केही छुट गर्ने लगायतका कुराहरुको प्रभावकारी अनुगमन गर्न यातायात मन्त्रालयलाई निर्देशन दिइएको बताइन् ।

उनले सातै प्रदेशमा समितिको २०७५ असोज १० को निर्देशन ऐन अहिले पनि उपयुक्त हुने भएकोले पुन: कार्यान्वयन गर्न/गराउन यातायात मन्त्रालय र ट्राफिक प्रहरी महाशाखालाई निर्देशन दिएको पनि बताइन् ।

सभापति खड्काकाअनुसार ५० करोड रुपैयाँभन्दा बढी लागतका आयोजनाहरुलाई मात्र वर्षीय आयोजनाको रुपमा कार्यान्वयन गर्नेगरी बनाइएको मापदण्डले पूर्वाधार विकासमा आवश्यक रहेका धेरै आयोजनाहरु कार्यान्वयन नहुने र अव्यवहारिक हुने भएकोले सो मापदण्ड तत्काल पुनरावेदन गर्ने व्यवस्था मिलाउन समितिले यातायात मन्त्रालयलाई निर्देशन दिएको छ । सभापति खड्काले सम्बन्धित मन्त्रालयअन्तर्गतका निर्माणाधीन अवस्थामा रहेका सडक, वैकल्पिक सडक, तथा पूर्वाधार विकासका कामहरु आवश्यक श्रोतकोष निश्चितता गरी समयमै सम्पन्न गर्न यातायात मन्त्रालयलाई निर्देशन दिइन् ।

सभापति खड्काले ५ दिन यात्रुहरुको सहजताका लागि सवारीसाधन जाँच नगरी सहज सुविधा दिने निर्णयलाई २ दिन थपेर हप्ता दिन बनाउन पनि सरकारलाई सचेत गराइन् ।

प्रकाशित : आश्विन १०, २०७८ १७:३९
पूरा पढ्नुहोस्
प्रतिक्रिया
पठाउनुहोस्
×