तीन वर्षदेखि चीनले बन्धक बनाएका दुई क्यानेडियन नागरिक रिहा- विश्व - कान्तिपुर समाचार

तीन वर्षदेखि चीनले बन्धक बनाएका दुई क्यानेडियन नागरिक रिहा

कान्तिपुर संवाददाता

काठमाडौँ — चीन सरकारले १००० दिन अर्थात् झण्डै तीन वर्षदेखि हिरासतमा राखेका दुई क्यानेडियन नागरिक रिहा भएका छन् । उनीहरु शनिबार बिहानै क्यानडा पुग्ने क्यानेडियन प्रधानमन्त्री जस्टिन ट्रुडोले सञ्चारमाध्यमसमक्ष बताएका छन् ।

क्यानेडियन नागरिकद्वय माइकल कोभ्रिग र माइकल स्पाभोरलाई २०१८ को डिसेम्बरदेखि चीनले नियन्त्रणमा राखेको थियो । चिनियाँ कम्पनी हुवावे टेक्नोलीजीजका प्रमुख मेङ वाङझोउलाई क्यानडामा पक्राउ गरेलगत्तै चीनले क्यानेडियन दुई नागरिकलाई बेइजिङमा पक्राउ गरेको हो ।

'माइकल कोभ्रिग र माइकल स्पाभोर केहीबेरअघि आफ्नो घर फिर्तीका लागि चीन छाडे,' क्यानेडियन प्रधानमन्त्री ट्रुडोले मिडियासमक्ष भनेका छन् । ती दुई नागरिकले चीनमा कठिन समयको सामना गर्नुपरेको ट्रुडोले पत्रकारहरुसँग भनेका छन् । तर उनीहरुले आफ्ना परिवारलाई भेट्न पाउनु आफूहरुका लागि खुसीको समाचार भएको ट्रुडोको प्रतिक्रिया छ ।

अन्तर्राष्ट्रिय समुदाय र सहयोगी राष्ट्रहरुले दुई नागरिकको रिहाइका लागि साथ दिएकोमा ट्रुडोले धन्यवादसमेत व्यक्त गरेका छन् । यसअघि उनले आफ्ना नागरिकलाई चीनले बन्धक बनाएकोमा आपत्ति जनाउँदै आएका थिए ।

प्रकाशित : आश्विन ९, २०७८ १५:४०
प्रतिक्रिया
पठाउनुहोस्

ईपीएल : काठमाडौं किंग्सको ललितपुरमाथि शानदार विजय

विनोद पाण्डे

काठमाडौँ — विदेशी खेलाडीद्वय रहमनुल्लाह गुर्बाज र रायन बर्लको अर्धशतकमा काठमाडौं किंग्स ११ ले बजाज पल्सर एभरेष्ट प्रिमियर लिग (ईपीएल) को पहिलो दिनको खेलमा शनिबार लतिलपुर प्याट्रियट्सलाई ७ विकेटले पराजित गरेको छ ।


अफगानिस्तानका गुर्बाजले ३६ बलमा ५९ र बर्लले ३४ बलमा ७३ रन बनाएपछि काठमाडौं किंग्सले १ सय ५८ रनको लक्ष्य सजिलै १५ ओभर भित्र १ सय ६० रन बनाउदै पुरा गर्‍यो ।

बर्लले ३ चौका र ७ छक्का प्रहार गरी अविजित रहे । अर्का अविजित ब्याटर राजु रिजालले १३ बलमा २ चौकासहित १९ रन बनाए ।

सुवास खकुरेल आफूले सामना गरेको पहिलो बल र अमित श्रेष्ठ ४ रनमा रनआउट भए पनि गुर्बाज र बर्ल ललितपुरका बलरमाथि जाइलागेका थिए । गुर्बाजले ४ चौका र ४ छक्का प्रहार गरे । उनलाई पवन सर्राफले स्टम्प आउट गराए ।

यसअघि पवन सर्राफको अर्धशतकमा लतिलपुर प्याट्रियट्सले निर्धारित २० ओभरमा ८ विकेट गुमाई रन १ सय ५७ बनाएको थियो ।

४० बलमा अर्धशतक बनाएका पवनले कूल ४४ बल खेली ५ चौका र चार छक्का प्रहार गर्दै ६१ रन बनाएका थिए । साविक विजेता ललितपुरको सुरुआत निकै दयनीय भएको थियो । जितेन्द्र मुखियाले पहिलो बलमै ललितपुरका कप्तान कुशल भुर्तेललाई आउट गरेका थिए भने ओभरको अन्तिम बलमा सेन्डोन विराकोडीलाई २ रनमा आउट गरी काठमाडौंलाई निकै उत्कृष्ट सुरुआत दिलाएका थिए ।

शंकर रानाले २७ बलमा १४ रनमात्र बनाए पनि उनले पवनलाई राम्रो साथ दिए । पवनले त्यसपछि योगेन्द्रसिंह कार्कीसँग अर्को राम्रो साझेदारी गरे । योगेन्द्रले २० बलमा ३३ रन बनाए । पवन र योगेन्द्रलाई जिम्बावेका बलर रायन बर्लले लगातार बलमा आउट गरे ।

रासिद खान १ रनमै आउट भए । ईपीएल खेल्ने पहिलो भुटानी खेलाडी बनेका मिक्यो दोर्जी १३ बलमा १ चौका र १ छक्का प्रहार गरी १७ रन बनाई अविजित रहे । नारायण जोशी ४ बलमा १२ रन बनाई अन्तिम ओभरमा आउट भए ।

काठमाडौं किंग्सका जितेन्द्र मुखियाले ४ ओभरमा १८ रनमात्र खर्चेर ४ विकेट लिए । बर्लले ४ ओभरमा २० रन खर्चेर २ विकेट लिए । गुलशन झाले ४ ओभरमा ३५ रन खर्चेर २ विकेट लिए । कप्तान सन्दीप लामिछानेले ४ ओभरमा ४४ र शाहिद अफ्रिदीले ४ ओभरमा ३२ रन खर्चेर कुनै विकेट लिन सकेनन् ।

प्रकाशित : आश्विन ९, २०७८ १५:३०
पूरा पढ्नुहोस्
प्रतिक्रिया
पठाउनुहोस्
×