उत्तर अमेरिकामा २३ हजार वर्षअघिका मानव पदचाप भेटिए- विश्व - कान्तिपुर समाचार

उत्तर अमेरिकामा २३ हजार वर्षअघिका मानव पदचाप भेटिए

कान्तिपुर संवाददाता

वासिङटन — अनुसन्धाताहरुका अनुसार उत्तर अमेरिकामा २३ हजार वर्षअघि मानव पदचाप भेटिएको छ। उनीहरुले हिमयुगको अन्त्यअघि उत्तर अमेरिकामा मानव सभ्यता रहेको समेत दावी गरेका छन् ।

बिहीबार सार्वजनिक गरिएको निष्कर्ष अनुसार उक्त महाद्विप हजारौँ वर्षअघि आदिम मानव बस्तीको नियन्त्रणमा थियो । मानव पदचापहरु हाल न्यु मेक्सिको मरुभूमिमा पर्ने सुख्खा तालको किनारमा लामो समयदेखि रहेको अनुसन्धाताहरुले बताएका छन् ।

अध्ययनले २१ हजारदेखि २३ हजार वर्षअघि यस क्षेत्रमा मानव अस्तित्व रहेको औंल्याएको छ। वन्यजन्तु वैज्ञानिकको रुपमा २००५ मा ह्वाइट स्यान्ड्स नेश्नल पार्क पुगेका डेभिड बुस्टोसले यस्तो तथ्य फेला पारेका थिए । उनको यस्तो अनुसन्धानबारे अध्ययन रिपोर्ट अमेरिकन जर्नल साइन्समा प्रकाशित छ । उनको यस्तो अनुसन्धानलाई ऐतिहासिक भनी टिप्पणी गरिएको छ ।

बेलायतस्थित बोर्नेमाउथ यूनिभर्सिटीका वातावरणीय तथा भूगोल विज्ञानका प्राध्यापक तथा अध्ययनका प्रमुख लेखक माथ्यू बेन्नेटका अनुसार ह्वाइट स्यान्ड्स नेश्नल पार्कको पूर्वतर्फ प्रसस्त मात्रामा मानव पाइला देखिएका छन् ।

प्रकाशित : आश्विन ८, २०७८ २२:०९
प्रतिक्रिया
पठाउनुहोस्

अफगानिस्तानका अल्पसंख्यक हजारा किसानलाई घर छाड्न दबाब

कान्तिपुर संवाददाता

काबुल — मध्य अफगानिस्तानस्थित हजारा बाहुल्य किसान समुदायलाई तालिबानले घर छाडेर अन्यत्र जान आदेश दिएको छ । वर्षौंदेखि बसोबास गर्दैआएका हजारा किसानहरु बसोबास गरेको जमिन तालिबान जमिनदारहरुले छाड्न दबाब दिएको अन्तर्राष्ट्रिय सञ्‍चारमाध्यमले जनाएका छन् ।

स्थानीयरका अनुसार तालिबान जमिनदारहरुले पश्तुन जमिनमा बसोबास गर्दै आएका आदिवासी किसानहरुलाई अन्नबाली नष्ट गरिदिने धम्कीसमेत दिएका छन् । तालिबानले सत्ता कब्जा गरेपछि निर्वासित जीवन बिताउँदै गरेका हजारा नेता मोहम्मद मोहकिकले आफ्नो समुदायका नागरिकमाथि खतरा रहेको लेखेका छन् । उनका अनुसार काबुलको दक्षिण पश्चिम क्षेत्रस्थित ग्रामीण भेगका ८ सयभन्दा धेरै हजारा परिवारलाई तालिबानले घर छाड्न आदेश दिएका छन् ।

हजारा समुदाय अफगानिस्तानको जातीय अल्पसंख्यक समुदाय मानिन्छ । जो सुन्नी बाहुल्य अफगानिस्तानमा वर्षौंदेखि सताइएका छन् । पछिल्लो दुई दशकयता उनीहरु तालिबान र आईएसआईएसको निशानामा पर्दै आएका छन् । उनीहरु अवैध रुपमा बसोबास गर्दै आएको तालिबान नेताहरुले आरोप लगाउने गरेका छन् ।


प्रकाशित : आश्विन ८, २०७८ २२:०१
पूरा पढ्नुहोस्
प्रतिक्रिया
पठाउनुहोस्
×