यौन उत्पीडनमा दोषी पाइएपछि न्युयोर्कका गभर्नरले दिए राजीनामा

आफूमाथिको आरोप निराधार भएको बताउँदै आएका कुओमोले मंगलबार पत्रकार सम्मेलनमा भने, ‘म पदबाट राजीनामा दिएर यस विषयमा सहयोग गर्न चाहन्छु ।’

कुओमोले आफ्नो राजीनामा १४ दिनभित्र लागू हुने बताएका छन् । अब कुओमोलाई लेफ्टिनेन्ट गभर्नर क्याथी होचुलले प्रतिस्थापन गर्नेछिन् । उनी न्युयोर्क राज्यको पहिलो महिला गभर्नर बन्नेछिन् । राष्ट्रपति जो बाइडेनसमेत थुप्रै डेमोक्रेटिक नेताहररूले कुओमालाई राजीनामाका दबाब दिइरहेका थिए ।

एक वर्षअघि कोरोना महामारी रोकथाम र नियन्त्रणमा प्रभावकारी कदम चालेको भन्दै कुओमोको निकै प्रशंसा भएको थियो । न्युयोर्कका महान्यायाधिवक्ताले तयार पारेको रिर्पोटमा कुओमोले करिब एक दर्जन महिलामाथि यौन दुर्व्यहार गरेको बताइएको छ । उनले अस्वभाविक रुपमा महिला कर्मचारीहरुलाई छोएको र अस्वभाविक प्रतिक्रिया जनाएको बताइएको छ ।