कोभ्याक्स कार्यक्रमलाई सिनोफार्म र सिनोभ्याकले ५५ करोड मात्रा खोप उपलब्ध गराउने- विश्व - कान्तिपुर समाचार
कान्तिपुर वेबसाईट
AdvertisementAdvertisement

कोभ्याक्स कार्यक्रमलाई सिनोफार्म र सिनोभ्याकले ५५ करोड मात्रा खोप उपलब्ध गराउने

रासस, सिन्ह्वा

बेइजिङ — कोभिड–१९ विरूद्धको विश्वव्यापी खोप परियोजनामा दुई चिनियाँ औषधि निर्माता कम्पनी संलग्न हुने भएका छन् । उक्त परियोजनालाई सिनोफार्मले १७ करोड र सिनोभ्याक्सले ३८ करोड गरी ५५ करोड मात्रा खोप उपलब्ध गराउने भएका हुन् ।

सिनोफार्म र सिनोभ्याकले कोभिड–१९ खोप कार्यान्वयन योजना (कोभ्याक्स)सँग छुट्टाछुट्टै रूपमा सहयोग सन्धिमा हस्ताक्षर गरेको सिनोफार्मका एक उच्च अधिकारीले बताएका छन् ।

उक्त सन्धिअनुसार विकासोन्मुख देशमा कोभिड–१९ महामारीको रोकथाम र नियन्त्रणका लागि यी दुई कम्पनीले जुलाईदेखि कोभ्याक्सलाई खोप आपूर्ति गर्न थालेका छन् । जसले हाल विकासोन्मुख देशमा खोपको अभाव अवस्थालाई कम पार्न र खोपको निष्पक्ष वितरण गर्नका लागि सहयोग पुग्ने विश्वास गरिएको कोभ्याक्स खोप अभियानको मुख्य सहयोगी संस्था गाभी(ग्लोबल एलायन्स फर भ्याक्सिन्स एन्ड इम्युनाइजेसन)ले बताएको छ ।

कोभ्याक्स कार्यक्रममा हालसम्म अस्ट्राजेनेका, मोडेर्ना, फाइजर, जोन्सन एण्ड जोन्सनलगायत विश्वका ११ खोप कम्पनी जोडिएका छन् ।

सहमतिले डेल्टा भेरियन्टजस्ता कोभिडका नयाँ रूपले विश्व स्वास्थ्य प्रणालीमा सिर्जना गरेको जोखिमलाई नियन्त्रण गर्न सहयोगी भूमिका निर्वाह गर्नेछ । चीनमा निर्मित दुई खोप सिनोफार्म र सिनोभ्याक्सले तत्कालै एक करोड १० लाख खोप कोभ्याक्स खोप अभियानलाई दिनेछन् भने यसलाई बिस्तारै थप गर्दै जाने सहमति पनि भएको छ ।

प्रकाशित : असार २९, २०७८ १३:०१
प्रतिक्रिया
पठाउनुहोस्

कोरोना नियन्त्रणका लागि संयुक्त प्रयास आवश्यक : चिनियाँ राष्ट्रपति

रासस, सिन्ह्वा,

बेइजिङ — चिनियाँ राष्ट्रपति सी चिनफिङले विश्वमा कोभिड-१९ जस्तो महामारीको नियन्त्रणका लागि विश्वका सबै देशको संयुक्त प्रयास हुनुपर्ने बताएका छन् ।

चिनियाँ राष्ट्रपति सी चिनफिङ फाइल तस्बिर : रोयटर्स

उनले शुक्रबार विश्वका नेताहरुसँगको फोनवार्ताका क्रममा महामारी नियन्त्रणका साथै विकासका सम्भावनाहरुको बारेमा थप आदानप्रदान गर्नका लागि विश्वका नेताहरुको संयुक्त प्रयास हुनु आवश्यक रहेको बताएका हुन् ।

राष्ट्रपति सीले हाल विश्वमै रहेको कोरोना भाइरसको यो महामारी कुनै एक देश तथा क्षेत्रको मात्र नभएर विश्वकै समस्याका रुपमा देखिएकोले यसको समाधानका लागि विश्वका नेताहरु एक आपसमा समन्वय गरेर लाग्नुपर्ने बताए । उनले शुक्रबार बोलिभिया, दक्षिण कोरिया, बेलारुसका राष्ट्रपति तथा डोमिनिकन प्रधानमन्त्रीसहितका नेताहरुसँग फोनवार्ता गरेका थिए ।

फोन वार्ताका क्रममा उनले महामारीका साथै अन्य विकासका कार्यमा पनि सहकार्य र समन्वय सहितको प्रयासका लागि आग्रह गरेका थिए । त्यस फोन वार्ताका क्रममा उनले अघि सारेको वेल्ट एन्ड रोड इनिसिएटिभ्स् जस्तो आयोजनाबाट पनि चीनले अन्तर्राष्ट्रिय रुपमा सहयोग र समझ्दारी बढाउन चाहेको धारणा राखेको राजधानी बेइजिङबाट प्राप्त भएको समाचारमा जनाइएको छ ।

त्यस वार्ताका क्रममा उनले चीनले कोरोना भाइरसको संक्रमण नियन्त्रणका क्षेत्रमा गरेका कामहरुको बारेमा जानकारी दिएका थिए । त्यस्तै उनले फोनमा कुरा गरेका नेताहरुसँग ती देशमा महामारीको पछिल्लो अवस्थाको बारेमा पनि जानकारी लिनुभएको सिन्ह्वा समाचार समितिले जनाएको छ ।

प्रकाशित : माघ १७, २०७७ १४:१०
पूरा पढ्नुहोस्
प्रतिक्रिया
पठाउनुहोस्
x
×