कसैको ‘दादागिरी’ नसहने चिनियाँ राष्ट्रपति सीको चेतावनी- विश्व - कान्तिपुर समाचार
कान्तिपुर वेबसाईट
AdvertisementAdvertisement

कसैको ‘दादागिरी’ नसहने चिनियाँ राष्ट्रपति सीको चेतावनी

लक्ष्मी लम्साल

बेइजिङ — चिनियाँ राष्ट्रपति सी चिनफिङले कुनै पनि मुलुकले आफूमाथि गर्ने अनावश्यक हेपाहा प्रवृत्तिको सामना गर्ने चेतावनी दिएका छन्।

बेइजिङको केन्द्रस्थित थ्यानआनमन चोकमा आयोजित चिनियाँ कम्युनिष्ट पार्टीको शतवार्षिकी समारोहलाई सम्बोधन गर्दै सीले चीनको थाइवान क्षेत्र लगायतमा बाह्य मुलुकबाट बारम्बार भइरहेको अवरोधप्रति संकेत गरे। पछिल्लो पटक चीनको थाइवानका लागि भन्दै हातहतियार, खोप लगायतका विषयमा अमेरिकाले चालेका कदमप्रति राष्ट्रपति सीको यो भनाइ लक्षित भएको हुनसक्ने विश्लेषकहरूले बताएका छन्।

सम्बोधनका क्रममा सीले हङकङ, मकाउ तथा थाइवान विशेष प्रशासनिक क्षेत्रको सुरक्षा र कानुनी प्रणाली कार्यान्वयन गर्नुपर्ने बताए। थाइवानको एकीकरणको दायित्व चिनियाँ कम्युनिष्ट पार्टीमा रहेको सीले बताए। उनले भने, थाइवानको मुद्दालाई सुल्झाउनु र मातृभूमिको पूर्ण पुनर्मिलन गराउनु पार्टीको अतुलनीय ऐतिहासिक लक्ष्य र चिनियाँ जनताको साझा आकांक्षा हो। हामीले मातृभूमिको शान्तिपूर्ण पुनःनिर्माणको प्रक्रिया अगाडि बढाउन एक चीन सिद्धान्तको सहमतिलाई पालना गर्नैपर्छ।’

चीनको कम्युनिष्ट पार्टीको स्थापना भएको १००औं वार्षिकोत्सवमा बोल्दै सीले पहिलो सय वर्षे लक्ष्य हासिल गरिसकेको बताउँदै समृद्ध समाज निर्माण लक्ष्य भेट्टाएको बताए। आधुनिक र शक्तिशाली समाजवादी देश निर्माण गर्ने दोस्रो शताब्दी लक्ष्यतिर केन्द्रित भएको उद्घोष गर्दै सीले सुधार र खुलापन नीति लागू गरिएयता अझै राम्रो तथा सम्पन्न समाजको निर्माण गर्ने लक्ष्य प्रस्तुत गरे।

यस वर्षको आरम्भमा चीनले गरिबी उन्मुलनको कार्यभार पूरा गरेर हालै मापदण्डमा ९ करोड ८९ लाख ९० हजार ग्रामिण क्षेत्रका गरिब जनसंख्यालाई पूर्ण रूपमा विपन्नताबाट मुक्त गरिसकेको सुनाउँदै चिनियाँ कम्युनिस्ट पार्टीको महासचिव समेत रहेका सीले पार्टीका पुराना पुस्ताको सम्झना गरे। उनले चिनियाँ कम्युनिष्ट पार्टीका अध्यक्ष माओ च तोङ, तङ स्याउ फिङ, च्याङ च मिङ, र हू चिन थाउको नाम सम्बोधनका क्रममा लिए।

महासचिव सी चिनफिङले मानव जातिको सबै फाइदाजनक अनुभव सिक्दै चिनियाँ जनताले अहंकारी आलोचनाको प्रतिवगाद गर्ने बताए। उनले भने, ‘चिनियाँ कम्युनिस्ट पार्टीले र चिनियाँ जनताले आफैंले छानेको बाटोमा अघि बढ्नेछन्।’

चीनले शान्तिपूर्ण विकासमा अडिग रहेर नयाँ अन्तर्राष्ट्रिय सम्बन्धको निर्माण, मानव भाग्य समुदायको निर्माण, बीआरआई उच्च गुणस्तरीय विकासको साझा निर्माणलाई अगाडि बढाएर चीनको नयाँ विकासबाट विश्वलाई नयाँ अवसर दिने पनि सीले बताए। उनले भने, ‘ चीन सधैँ नै विश्वशान्ति, विश्व विकास र अन्तर्राष्ट्रिय व्यवस्थाको रक्षक बन्नेछ। तर कसैसँग टकराव गरेर, खुलापनलाई बन्द गरेर शून्य-योगको खेल खेल्दैन र प्रभुत्ववादको विरोध गर्नेछ।’

सम्बन्धित समाचार

प्रकाशित : असार १७, २०७८ १४:२१
प्रतिक्रिया
पठाउनुहोस्

स्थापनाको शतवार्षिकी मनाउँदै चिनियाँ कम्युनिस्ट पार्टी

लक्ष्मी लम्साल

बेइजिङ — चिनियाँ कम्युनिस्ट पार्टी स्थापनाको शतवार्षिकीको उपलक्ष्यमा चीनको राजधानी बेइजिङमा भव्य समारोहको आयोजना गरिएको छ। स्थानीय समयअनुसार ८ बजेदेखि मनाउन थालिएको शतवार्षिकी समारोहमा अनेक परेड,  झाँकी तथा प्रदर्शनीहरूका अलावा सत्तारूढ पार्टीले एक सय वर्षको अवधिमा हासिल गरेका उपलब्धिहरूको प्रदर्शनी पनि समावेश छन्।

तस्बिर : सिन्ह्वा

थ्यानआनमन चोकमा राष्ट्रिय झण्डोत्तोलनका साथै १ सय तोपको सलामी अर्पण गरिएको थियो भने आकाशमा विमानले १०० को आकृतिका साथ उडान प्रदर्शनी गरेका थिए।

कम्युनिस्ट पार्टी स्थापनाको १००औं वार्षिकोत्सव समारोहमा भाग लिन पार्टीका ७० हजारभन्दा बढी सदस्य थ्यानआनमन चोकमा भेला भएका छन्। चिनियाँ कम्युनिष्ट पार्टी केन्द्रीय समितिका महासचिव, राष्ट्राध्यक्ष एवं केन्द्रीय सैन्य आयोगका अध्यक्ष सी चिनफिङले सम्बोधन गरे। सीले चीनले समृद्ध समाज निर्माणको चरण पार गरेको बताए।

तस्बिर : सिन्ह्वा

सबैको मेहनत तथा संघर्षपश्चात चीनले खुशीयालीयुक्त समाज निर्माण पूरा गरेको बताउँदै सीले चीन अब समाजवादी आधुनिक शक्तिशाली मुलुकको रूपमा अघि बढिरहेको बताए। चीनले हालै गरिबी निवारणको लक्ष्य पूरा गरेको छ

तस्बिर : रोयटर्स

सीले चिनियाँ कम्युनिस्ट पार्टी नभएमा नयाँ चीनको स्थापना र राष्ट्रको पुनरूत्थान असम्भव भएको बताउँदै पार्टीको नेतृत्वमा सबै अडिग रहनुपर्ने बताए। उनले भने, ‘चिनियाँ कम्युनिस्ट पार्टीको नेतृत्व चिनियाँ विशेषतायुक्त समाजवादको आवश्यकता हो, चिनियाँ विशेषतायुक्त परिपाटी देशको जग र जीवनरक्त हो।’शतवार्षिकी सम्बन्धित कार्यक्रमका विभिन्न गतिविधिहरू बेइजिङमा जारी छन् ।

तस्बिर : रोयटर्स

सन् १९२१ जुलाई १ तारिख चिनियाँ कम्युनिस्ट पार्टीको स्थापना भएको थियो। पार्टी तथा जनसंघर्षको नेतृत्व गरेका अध्यक्ष माओ चतुङले सन् १९४९ को अक्टोबर १ तारिख राजधानी बेइजिङस्थित थ्यानआनमन चोकमा जनगणतन्त्र चीनको घोषणा गरेका थिए।

तस्बिर : रोयटर्स

प्रकाशित : असार १७, २०७८ ०७:३१
पूरा पढ्नुहोस्
प्रतिक्रिया
पठाउनुहोस्
×