म्यानमार सेनाद्वारा सूचीविरुद्ध गम्भीर भ्रष्टाचारको मुद्दा दायर - विश्व - कान्तिपुर समाचार
कान्तिपुर वेबसाईट
AdvertisementAdvertisement

म्यानमार सेनाद्वारा सूचीविरुद्ध गम्भीर भ्रष्टाचारको मुद्दा दायर 

एजेन्सी

यांगुन — म्यानमारको सैनिक प्रशासनले अपदस्थ नेतृ आङ साङ सूचीविरूद्ध सबैभन्दा गम्भीर भ्रष्टाचारको मुद्दा दर्ता गरेको छ ।

फाइल फोटो : रोयटर्स

जसलाई सुचीको दल नेसनल लिग फर डेमोक्रेसीले सूचीलाई फसाउन लगाइएको भुट्टा आरोप भनेको छ ।

सैनिक प्रशासनले बिहीबार प्रेस विज्ञप्ति जारी गर्दै सुचीलाई घुसको रूपमा नगद र सुन लिएको आरोप लगाइएको जानकारी गराएको छ ।

यस आरोपमा सूची दोषी पाइएको खण्डमा १५ वर्ष जेल सजाय हुनसक्नेछ । यस बाहेक उहाँमाथि अवैध रूपले सञ्चार सेट आयात गर्ने र सार्वजनिक अशान्ति पैदा गरेको आरोपमा पनि मुद्दा दर्ता गरिएको छ ।

फेब्रुअरी १ मा सैन्य प्रशासनले कुमार्फत सत्ताको बागडोर सम्हालेपछि सूचीलाई पक्राउ गरिएको थियो । त्यसयता नजरबन्दमा भएकी सूची अदालतमा अत्यन्त कम देखिएकी छिन् । उनको दलका दर्जनौँ नेता तथा कार्यकर्तालाई पनि विभिन्न आरोपमा पक्राउ गरिएको छ ।

म्यानमारमा सेनाले सत्ताको बागडोर सम्हालेसँगै भएका प्रदर्शनमा सूचीलाई सघाएको आरोपमा सयौँ नागरिकको हत्या गरिएको छ ।

प्रकाशित : जेष्ठ २८, २०७८ ०८:२७
प्रतिक्रिया
पठाउनुहोस्

फ्रेन्च ओपन : फाइनलमा क्रेजसिकोभा र पेभलेचेन्कोभा भिड्ने

एजेन्सी

पेरिस — फ्रेन्च ओपनको महिला एकलको फाइनल चेक गणतन्त्रकी बारबोरा क्रेजसिकोभा र रुसी खेलाडी एनास्टिसा पेभलेचेन्कोभाबीच हुने भएको छ ।

चेक गणतन्त्रकी बारबोरा क्रेजसिकोभा र रुसी खेलाडी एनास्टिसा पेभलेचेन्कोभा । तस्बिर : रोयटर्स

क्रेजसिकोभाले मारिया सकारीलाई तीन घण्टा चलेको कडा प्रतिस्पर्धात्मक खेलमा बिहीबार ७–५, ४–६ र ९–७ ले हराइन् ।

क्रेजसिकोभाले एक म्याच प्वाइन्टमा जोगिंदै यो सनसनीपूर्ण खेल जितेकी हुन् । अब शनिबार हुने फाइनलमा उनको सामना ३१ वर्षीय अनुभवी खेलाडी पेभलेचेन्कोभासँग हुनेछ ।पेभलेचेन्कोभाले अर्को सेमिफाइनलमा स्लोभेनियाकी टमारा जिडासेकलाई ७–५ र ६–३ ले हराइन् । उनी ग्रान्ड स्लाम फाइनल पुगेको यो पहिलो पल्ट हो ।

प्रकाशित : जेष्ठ २८, २०७८ ०७:०५
पूरा पढ्नुहोस्
प्रतिक्रिया
पठाउनुहोस्
×