भारतमा एकैदिन १८ हजार संक्रमित, १०८ को मृत्यु
नयाँदिल्ली — कोरोना भाइरसका कारण भारतमा थप १८ हजार ३ सय २७ जना संक्रमित भएका छन् । योसँगै भारतमा कुल संक्रमितको संख्या १ करोड ११ लाख ९२ हजार ८८ पुगेको अधिकारीहरूले जनाएका छन् । कुल संक्रमितमध्ये १ लाख ८० हजार ३ सय ४ जना संक्रमणकै अवस्था छन् ।
त्यसैगरी पछिल्लो २४ घण्टामा भाइरसका कारण १ सय ८ जनाको मृत्यु भएको भारतको स्वास्थ्य तथा परिवार कल्याण मन्त्रालयले शनिबार जनाएको छ । भारतमा कोरोना भाइरसका कारण शनिबार साँझसम्म १ लाख ५७ हजार ६ सय ५६ जनाको मृत्यु भइसकेको मन्त्रालयले जनाएको छ ।
अधिकारीहरूका अनुसार हालसम्म भारतमा २२ करोड ६ लाख ९२ हजार ६ सय ७७ जनामा भाइरस परीक्षण गरिसकिएको छ । पछिल्ला दिनहरूमा दैनिकजसो साढे ७ लाख हाराहारीमा परीक्षण गरिँदै आएको भारतीय मेडिकल रिसर्च काउन्सिलले जनाएको छ । मन्त्रालयका अनुसार भारतमा शनिबारसम्म १ करोड ९४ लाख ९७ हजार ७ सय ४ जनालाई कोरोनाविरुद्धको खोप दिइसकिएको छ ।
प्रकाशित : फाल्गुन २२, २०७७ २१:३७