विश्‍वभर झन्डै साढे ४ करोडले लगाए कोरोना खोप- विश्व - कान्तिपुर समाचार
कान्तिपुर वेबसाईट
AdvertisementAdvertisement

विश्‍वभर झन्डै साढे ४ करोडले लगाए कोरोना खोप

हालसम्म विश्वका ४ करोड ३६ लाखभन्दा बढी मानिसले कोरोनाविरुद्धको खोपको पूरा मात्रा लगाइसकेका छन् ।
एजेन्सी

लन्डन — पछिल्लो एक वर्षमा विश्वव्यापी महामारीको रूपमा फैलिएको कोरोना भाइरस संक्रमणले प्रायः सबै मुलुक र क्षेत्रलाई प्रभावित तुल्यायो । सन् २०१९ को डिसेम्बरमा चीनको वुहान सहरमा पहिलोपटक कोरोना संक्रमण पुष्टि भएयता हालसम्म विश्वका ११ करोड २२ लाखभन्दा बढी मानिस यसको चपेटामा परे ।

मलेसियाका प्रधानमन्त्री मुयिद्धिन यासिन कोरोनाविरुद्धको खोप लगाउँदै। यहाँबुधबार पहिलो चरणको खोप अभियान सुरु भएको छ । तस्बिर : रोयटर्स

जसमध्ये ६ करोड ३४ लाख जना निको भइसकेका छन् । झन्डै २ सय देशका २४ लाख ९० हजार जनाको मृत्यु भएको छ ।

विश्वस्तरकै स्वास्थ्य सेवा भएका तथा आर्थिक रूपमा शक्ति सम्पन्न मुलुकहरू अमेरिका, भारत, ब्राजिल, बेलायत, रुसलगायत नै यसबाट बढी प्रभावित बने । यसका लागि धेरै जनसंख्या हुनु, समयमै स्वास्थ्य सावधानी नअपनाइनु तथा एकैपटक धेरैमा संक्रमण हुँदा जनशक्ति र स्वास्थ्य संयन्त्रले नधान्नुलाई प्रमुख कारण मानिएको छ । कतिपय मुलुकका सरकारले यसलाई राजनीतिक विषयवस्तु बनाएर असंवेदनशील ढंगबाट प्रचार गर्दा पनि धेरैमा संक्रमण विस्तार हुन सघाउ पुगेको विभिन्न रिपोर्टहरूमा उल्लेख छ । केही यस्ता पनि मुलुक छन्, जहाँ बेलैमा स्वास्थ्य सावधानी अपनाइँदा हालसम्म संक्रमण देखिएको छैन ।

स्वास्थ्य क्षेत्रको सुदृढीकरण, भाइरस र खोप विकासमा अत्याधिक चासो र लगानी वृद्धि गरिएसँगै पछिल्लोपटक महामारीरोकथामका संकेतसमेत देखिएका छन् । धेरै मुलुकमा कोरोनाविरुद्धको खोप उत्पादन हुनुका साथै लगाउने कार्यसमेत थालिएको छ । बेलायतको अक्सफोर्ड युनिभर्सिटी, अमेरिकाको जोन हप्किन्स युनिभर्सिटी, युरोपियन सेन्टर फर डिजिज प्रिभेन्सन एन्ड कन्ट्रोल, सम्बन्धित मुलुकका सरकार एवं स्वास्थ्य विभाग तथा संयुक्त राष्ट्रसंघको आँकडाअनुसार हालसम्म विश्वका ४ करोड ३६ लाखभन्दा बढी मानिसले कोरोनाविरुद्धको खोपको पूरा मात्रा लगाइसकेका छन् । ९० देशमा हाल खोप अभियान चलिरहेकोमा २१ करोड ६० लाख खोपको मात्रा खपत भएको छ । खोप अभियान थाल्नेमा ५७ वटा उच्च आय भएका र ३३ वटा मध्यम आय भएका मुलुक छन् । निम्न आय भएका कुनै पनि मुलुकमा खोप लगाउन सुरु नभएको बीबीसीले लेखेको छ ।

सबैभन्दा बढी संक्रमण पुष्टि भएको अमेरिकामा ६ करोडभन्दा बढीले खोप प्राप्त गरिसकेका छन् । चीनमा ४ करोडभन्दा बढीले खोप लगाउँदा बेलायतमा १ करोड ८० लाखभन्दा बढीले कम्तीमा खोपको पहिलो मात्रा पाएका छन् । अधिकांश मुलुकमा स्वास्थ्यकर्मी, अधिक जोखिम समूहमा रहेका उमेर समूह र कोरोना महामारीविरुद्धको लडाइँमा अग्रपंक्तिमा खटिएकालाई नै सुरुमा खोप पाउने प्राथमिकतामा राखिएको छ ।

बीबीसीका अनुसार कतिपय मुलुकले आफ्नो जनसंख्यालाई पुग्नेभन्दा धेरै मात्रा खोपको बन्दोबस्त गरेका छन् । जबकि निम्न आय भएका मुलुकहरू राष्ट्रसंघको कोभाक्स कार्यक्रमबाट अनुदानमा खोप पाउनेमा निर्भर छन् । जसको सुरुवात बुधबार मात्रै भएको छ । राष्ट्रसंघले विश्वका धनी, गरिब सबै मुलुकका नागरिकले छिटोभन्दा छिटो उपचार र खोप पाउन् भन्न सबै मुलुक र पक्षलाई संवेदनशील हुन आग्रह गरिसकेको छ । साथै यसका लागि आफ्नो पूर्ण प्रयास रहनेसमेत स्पष्ट पारेको छ ।

प्रकाशित : फाल्गुन १३, २०७७ ०७:५८
प्रतिक्रिया
पठाउनुहोस्

एकै जिल्लाबाट डेढ अर्बको आलु बिक्री

‘महँगो बीउ र सिँचाइको कमीले यस वर्ष उत्पादन घट्ने अनुमान’
अनिश तिवारी

सिन्धुपाल्चोक — नदी छेउको चिटिक्क गाउँसँगै फराकिला फाँट र खेत । त्यही फाँटमा कोही आलु खनेर बोरामा भर्दै छन्, कोही जोख्दै सडकसम्म लगेर बिक्री गरिरहेका छन् । सातायता बर्खे आलुको पकेट क्षेत्र मानिने इन्द्रावती, मेलम्ची, झ्याडीखोला किनारका दृश्य हुन् यी ।

सिन्धुपाल्चोक र काभ्रेको सीमा क्षेत्र सिपाघाटमा आलु खन्दै किसान । तस्बिर : अनिश तिवारी/कान्तिपुर

काभ्रेस्थित कृषि ज्ञान केन्द्रको तथ्यांकअनुसार गत आर्थिक वर्षमा मात्रै ८४ हजार ९ सय ३० टन आलु उत्पादनबाट सिन्धुपाल्चोकका कृषकहरूले १ अर्ब ५२ करोड रुपैयाँ आम्दानी गरे । गत आवमा वर्षे र हिउँदे सिजनमा गरी जिल्लाभर २ अर्ब ५४ करोड रुपैयाँ बराबरको आलु उत्पादन भएको ज्ञान केन्द्रका कृषि प्रसार अधिकृत पुजन जंगमले बताए । ‘यो वर्ष भने महँगो बीउ र सिँचाइको कमीले उत्पादनमा केही कमी हुने अनुमान गरेका छौं । प्रत्येक वर्ष जति उत्पादन भए पनि ६० प्रतिशत मात्रै बिक्रीमा जाने गरेको छ । अन्य घरमै खपत भएको देखिन्छ,’ उनले भने । जिल्लाभर हिउँदे र वर्षे गरी ८ हजार ५ सय ५० हेक्टरमा आलु खेती गरिएको जंगमले बताए ।

ज्ञान केन्द्रका अनुसार वर्षे आलु २८ र हिउँदे आलु ६० रुपैयाँ प्रतिकिलोसम्म बिक्री हुने गरेको छ । विभिन्न संघसंस्था र स्थानीय तहले कृषि उत्पादनलाई अभियानका रूपमा सघाएपछि व्यावसायिक रूपमा आलु लगाउने कृषक बढ्दै छन् । खेतबाटै धमाधम आलु बोरामा हालेर व्यवसायीलाई प्रतिकिलो २७ रुपैयाँमा बेचिरहेको बलेफी गाउँपालिका–४ फुल्पिङकोटका केशव थापाले सुनाए । ‘अहिले आलुको सिजन हो, जता पनि यसकै चटारो छ । ब्रह्मायणी करिडोरभरिका कृषकलाई आलु निकालेर बेच्न मारामार छ,’ उनले भने । आलुबाटै ८० हजारदेखि १ लाखसम्म कमाइ गरिरहेको उनले सुनाए । ‘मेहनतनुसार बजार पाए आलुबाट राम्रै कमाइ हुँदो रहेछ । त्यही भएर सबै यसमा लागेका छन्,’ उनले भने ।

सिन्धुपाल्चोकस्थित मेलम्ची नगरपालिका सिपाघाटकी कविता माझीलाई आलु नबिक्ला भन्ने तनाव छैन । मेलम्ची, काभ्रेको धुलिखेल, बनेपा र काठमाडौंसम्मका व्यवसायी आलु किन्न खेतमै पुग्ने गरेको उनले बताइन् । ‘आलुको माग भइरहने कारणले सबैले लगाउँछन् । पकेट क्षेत्र भएकाले बर्सेनि आलु मेलाजस्तै हुन्छ यहाँ,’ उनले भनिन् । राम्रो आलुलाई बजारमा बिकाउन त्यति धेरै कसरत गर्न नपरेको उनको अनुभव छ । आलुको व्यावसायिक आम्दानीले परिवार चलाइरहेकी उनले अरू सिजनअनुरूपका तरकारी पनि लगाउँछिन् । जिल्लाको लिसंखुको मुडेको आलु बजारमा प्रतिकिलो ६० रुपैयाँसम्म बिक्री हुन्छ । यहाँ उत्पादित आलुको मुख्य बजार काठमाडौंलगायत सहर हुन् ।

प्रकाशित : फाल्गुन १३, २०७७ ०७:४१
पूरा पढ्नुहोस्
प्रतिक्रिया
पठाउनुहोस्
×