चीनले डब्लूएचओलाई अनुसन्धान गर्न दिने- विश्व - कान्तिपुर समाचार
कान्तिपुर वेबसाईट
AdvertisementAdvertisement

चीनले डब्लूएचओलाई अनुसन्धान गर्न दिने

सिन्ह्वा

बेइजिङ — विश्व स्वास्थ्य संगठन (डब्लूएचओ) का अनुसन्धानकर्तालाई चीनले आफ्नो मुलुकमा कोरोना भइरसको उत्पत्तिबारे अनुसन्धान गर्न अनुमति दिएको छ ।

डब्लूएचओले कोभिड–१९ भाइरसको संक्रमण कसरी फैलियो भन्नेबारे चीनमा अनुसन्धान गर्ने इच्छा देखाएको थियो । सुरुमा चीनले डब्लूएचओका अनुसन्धानकर्तालाई प्रवेश दिए पनि अनुसन्धान गर्न नदिने अडान राख्दै आएको थियो । चीनले शनिबार ती अनुसन्धानकर्तालाई अनुमति दिएको बताएको हो ।

चीनको वुहान सहरबाट कोरोना संक्रमण फैलिएकाले अनुसन्धान गर्न चाहेको डब्लूएचओले बताउँदै आएको थियो । चीनको नेसनल हेल्थ कमिसनका निर्देशक चेन इसिनले शनिबार भने, ‘विश्व स्वास्थ्य संगठनका अनुसन्धान अधिकारीलाई यस विषयमा अनुमति दिएका छौं र आगामी केही दिनमा उनीहरूको आगमन हुने बताइएकाले उनीहरूको हामी स्वागत गर्नेछौं ।’

उनले ती अधिकारीले चीनमा कोभिड–१९ को उत्पत्तिबारेमा गर्ने अनुसन्धानमा पूर्ण रूपमा सघाउन चीन तयार रहेको दोहोर्‍याए । ‘विश्व स्वास्थ्य संगठनका अनुसन्धानकर्ताले यस अनुसन्धानका विषयमा उनीहरूको कार्यक्रम र कार्यसूची के कस्तो छ भन्नेबारेमा हामीलाई जानकारी दिएपछि उनीहरूसँगै हाम्रा अनुसन्धान अधिकारी पनि वुहान जान तयार छन्,’ उनले भने ।

प्रकाशित : पुस २६, २०७७ ०७:२३
प्रतिक्रिया
पठाउनुहोस्

पाकिस्तानमा सैनिक हेलिकप्टर दुर्घटना

सिन्ह्वा

इस्लामाबाद — पाकिस्तानी सेनाले आफ्ना एक हेलिकप्टर उत्तरी गिल्गिट बाल्टिस्तान क्षेत्रमा शनिबार दुर्घटनाग्रस्त भएको सेनाले जनाएको छ ।

दुर्घटनामा ४ जनाको मृत्यु भएको सेनाले जारी गरेको विज्ञप्तिमा उल्लेख छ । मृत्यु हुनेहरुमा २ पाइलट र २ सैनिक छन् । हेलिकप्टर प्राविधिक गडबडीका कारण दुर्घटनाग्रस्त भएको जनाइएको छ । बाल्टिस्तान क्षेत्रमा गोली लागेर घाइते भएका एक सिपाहीको उद्धारका लागि खटिएको हेलिकप्टर दुर्घटनाग्रस्त भएको हो ।

स्थानीय एक स्रोतले बताए अनुसार निर्जन पहाडी इलाकामा हेलिकप्टर दुर्घटनाग्रस्त भएको थियो । दुर्घटनाग्रस्त हेलिकप्टर पूर्णरूपमा नष्ट भएको बताइएको छ ।


प्रकाशित : पुस १२, २०७७ २१:०८
पूरा पढ्नुहोस्
प्रतिक्रिया
पठाउनुहोस्
x
×