दिल्लीमा मास्क नलगाउनेलाई दुई हजार जरिवाना

मास्क लगाउन पटकपटक आग्रह गर्दा पनि धेरैले बेवास्ता गरेपछि जरिवाना शुल्क बढाउन लागिएको हो । प्रदेश सरकारले यसअघि ५ सय रुपैयाँ मात्रै जरिवाना तोकेको थियो ।

नयाँ दिल्लीमा कोभिड १९ को महामारी फैलिदै गएपछि सरकारले सतर्कता बढाउने क्रममा जरिवाना पनि बढाएको हो । ‘दिल्लीमा पछिल्लो समयमा कोभिड १९ संक्रमितहरुको संख्यामा वृद्धि हुँदै गएको छ, तर अहिलेसम्म पनि कतिपयले सार्वजनिक स्थलमा मास्क लगाएका छैनन्,’ केजरीवालले भने ।

केजरीवालले सकभर भीडभाड नगर्न तथा आधारभूत स्वास्थ्य सतर्कता अपनाउन समेत सर्वसाधारणलाई आग्रह गरेका छन् । धार्मिक, सांस्कृतिक, राजनीतिक तथा अन्य कुनै कार्यक्रम तथा गतिविधिहरु नगर्न पनि उनले आग्रह गरेका छन् ।

आप सभी से निवेदन है कि जब भी घर से बाहर निकलें तो मास्क ज़रूर पहनें। सभी सामाजिक, धार्मिक और राजनीतिक इकाइयों से मेरी अपील है कि लोगों को जागरूक करें, मास्क बांटें और लोगों को इस संक्रमण से बचने में मदद करें। pic.twitter.com/lC5H52vQBj

— Arvind Kejriwal (@ArvindKejriwal) November 19, 2020

महामारीको पछिल्लो अवस्थाबारे समिक्षा गर्न तथा भावी रणनीति तय गर्न दिल्लीमा भएको सर्वदलीय बैठकपछि बोल्दै केजरीवालले जनताको जीवन रक्षाका लागि संयुक्त रुपमा काम गर्न सबै पार्टीहरु सहमत भएको पनि जनाए । ‘सबै पार्टीहरुकातर्फबाट मलाई सहयोग र सुझाव आएको छ । यो कठिन घडीमा हामी सबै एकै ठाउँमा छौं,’ केजरीवालले भने ।