टर्कीमा भूकम्पबाट मृत्यु हुनेको संख्या ११६ पुग्यो- विश्व - कान्तिपुर समाचार
कान्तिपुर वेबसाईट
AdvertisementAdvertisement

टर्कीमा भूकम्पबाट मृत्यु हुनेको संख्या ११६ पुग्यो

(एजेन्सी)

इस्तानबुल — टर्कीमा गत शुक्रबार गएको शक्तिशाली भूकम्पका कारण ज्यान गुमाउनेको संख्या १ सय १६ पुगेको छ ।

टर्किस अधिकारीहरुले भूकम्पबाट मृत्यु हुनेको संख्या १ सय १६ पुगेको पुष्टि गर्दै अन्तिम चरणको उद्धार तथा खोजी कार्य जारी रहेको बताएका छन् । मृत्यु हुनेमा २ जना ग्रिसका नागरिक छन् । भूकम्पका कारण १ हजार ३५ जना घाइते भएको टर्कीको प्रकोप तथा विपद् व्यवस्थापन कार्यालयले जनाएको छ । घाइतेमध्ये १ सय ३७ जनाको अस्पतालमा उपचार भइरहेको छ । कार्यालयका अनुसार अझै केही मानिस बेपत्ता छन् ।

भूकम्पपछि भत्केका करिब २० वटा भवनहरूमा मानिस फसेको आंशकामा खोजी तथा उद्धार कार्य भइरहेको हो । टर्कीका राष्ट्रपति रेसेप तैयप इर्दोगानले खोजी तथा उद्धार कार्य भइरहेको जनाउँदै अन्तिम क्षणसम्म पनि सरकार क्रियाशील रहने बताएका छन् । उद्धारकर्ताहरुले भूकम्प गएको ९० घण्टापछि भग्नावशेषबाट एक ३ वर्षीया बालिकालाई जीवितै उद्धार गरेका थिए ।

टर्कीको इज्मिर सहरमा शुक्रबार राति ७ म्याग्निच्युडको भूकम्प गएको थियो । भूकम्पको धक्का छिमेकी देशहरूमा पनि महसुस गरिएको थियो । अधिकारीहरुका अनुसार भूकम्पपछि १ हजार ७ सयवटा परकम्प महसुस गरिसकिएको छ । तीमध्ये करिब ४ दर्जन चार म्याग्निच्युडका हुन् ।

प्रकाशित : कार्तिक १९, २०७७ १९:३८
प्रतिक्रिया
पठाउनुहोस्

जारी छ खुलामञ्चमा खाना खुवाउने अभियान [तस्बिरहरु]

संजोग मानन्धर

काठमाडौँ — बुधबार हन्ड्रेट्स ग्रुपका स्वयंसेवकहरुले राजधानीको खुलामञ्चमा गरिब तथा असायहरुलाई खाना खुवाएका छन् । कोरोना संक्रमणको जोखिम बढेको, फोहोर भएको भन्दै महानगरपालिकाले खुलामञ्चमा खाना नखुवाउन भन्दै आएको छ । खाना खुवाउने अभियानमा रोक लगाउन खोजेपछि महानगरको चौतर्फी विरोध भएको छ ।

विरोध भएपछि महानगरपालिकाले तिहारसम्म खुलामञ्चमै खाना खुवाउन भनेको छ । तिहारपछि होटल बुकिङ गरेर भएपनि व्यवस्थापन गर्ने महानगरपालिकाले प्रतिबद्धता जनाएको खाना खुवाउने अभियानका अभियानकर्मीहरुले बताएका छन् ।महानगरपालिकाका मेयर विद्यासुन्दर शाक्यले सोमबार पत्रकार सम्मेलन नै गरेर अन्य ठाउँमा व्यवस्थापन गर्न अग्रह गर्दै आवश्यक सहयोग महानगरले गर्ने बताएका थिए ।


प्रकाशित : कार्तिक १९, २०७७ १९:१८
पूरा पढ्नुहोस्
प्रतिक्रिया
पठाउनुहोस्
×