थाइल्यान्डमा रेल र बस जुध्दा १८ को मृत्यु

थाई प्रहरीका अनुसार बसमा रहेका यात्रुहरू बौद्ध मन्दिरतर्फ गइरहेका थिए । घटनास्थलबाट सार्वजनिक तस्बिरहरूमा दुर्घटनापछि बस उत्तानो परेको तथा यात्रुहरूका समान वरिपरि छरिएका देखिन्छ । अधिकारीहरूका अनुसार बसमा ६० जना यात्रु थिए । थाइल्यान्डका प्रधानमन्त्री प्रयुत चान–ओचाले घटनाप्रति दु:ख व्यक्त गरेका छन् । निकै व्यस्त सडक र सुरक्षा मापदण्डको कमीका कारण थाइल्यान्डमा सडक दुर्घटना निकै हुने गरेका छन् ।

सन् २०१८ मा विश्व स्वास्थ्य संगठनले जारी गरेको प्रतिवेदनअनुसार थाइल्यान्ड विश्वमै सबैभन्दा बढी सडक दुर्घटना हुने देशको सूचीमा दोस्रो स्थानमा छ ।