दक्षिण कोरियाली अधिकारी मारिएको घटनामा किम जोङ उनले 'माफी मागे'- विश्व - कान्तिपुर समाचार
कान्तिपुर वेबसाईट
AdvertisementAdvertisement

दक्षिण कोरियाली अधिकारी मारिएको घटनामा किम जोङ उनले 'माफी मागे'

एजेन्सी

सोल — उत्तर कोरियाली नेता किम जोङ उनले दक्षिण कोरियाली अधिकारी मारिएको घटनाप्रति माफी मागेका छन् । बीबीसीले दक्षिण कोरियाली राष्ट्रपति कार्यालयलाई उद्धृत गर्दै उत्तर कोरियाली नेता किम जोङ उनले उक्त घटनामा माफी मागेको जनाएको छ ।

दक्षिण कोरियाली राष्ट्रपति मून जेई इनलाई पत्र पठाउँदै नेता किमले 'नहुनुपर्ने घटना घटेको' भन्दै माफी मागेका छन् । पत्रमा किमले उक्त घटना निकै 'दु:खद' र 'निराशाजनक' भएको बताएको दक्षिण कोरियाली समाचार संस्था योन्हापलाई उद्धृत गर्दै बीबीसीले जनाएको छ ।

उत्तर कोरियाले उक्त घटनाका बारेमा अन्य विवरण पनि सार्वजनिक गरेको छ । ती अधिकारीलाई १० वटा गोली हानिएको र उनको शरीर नजलाइएको पनि उत्तर कोरियाली स्पष्टीकरण दिएको छ ।

दक्षिण कोरियाली अधिकारीको उत्तरमा हत्या

दक्षिण कोरियाले आफ्ना एक ४७ वर्षीय सरकारी अधिकारीलाई उत्तर कोरियाली सैनिकहरूले गोली हानी मारेको र उनको शव जलाएको दाबी गरेको थियो ।

दक्षिण कोरियाको रक्षा मन्त्रालयले उक्त घटनालाई ‘क्रूर कार्य’ को संज्ञा दिँदै कडा शब्दमा निन्दा गरेको थियो । मन्त्रालयका अनुसार ती अधिकारी दुई देशको जलसीमानजिकै गस्ती गर्ने डुंगाबाट बेपत्ता भएका थिए ।

प्रकाशित : आश्विन ९, २०७७ १२:२४
प्रतिक्रिया
पठाउनुहोस्

बारबर्दियामा पाँच दिन निषेधाज्ञा

कमल पन्थी

बर्दिया — स्थानीय प्रशासनले कोरोना संक्रमण जोखिम नियन्त्रण गर्न बारबर्दिया नगरपालिकामा पाँच दिन निषेधाज्ञा जारी गरेको छ । प्रमुख जिल्ला अधिकारी लीलाधर अधिकारीको अध्यक्षतामा बसेको जिल्ला कोभिड संकट व्यवस्थापन केन्द्रको बैठकले असोज १० गते बिहानदेखि १४ गते मध्यरातिसम्म लागू हुने गरी निषेधाज्ञा जारी गरेको हो ।

गत बुधबार ३ नम्बरका वडाध्यक्षको कोरोना संक्रमणबाट मृत्यु भएको थियो । पछिल्लो पटक लक्षणसहितका संक्रमित थपिन थालेपछि संक्रमण नियन्त्रण गर्न नगरपालिकामा निषेधाज्ञा जारी गरिएको प्रजिअ अधिकारीले बताए । निषेधाज्ञा अवधिभर आवश्यक कामबाहेक हिँडडुलमा समेत रोक लगाइएको छ । वित्तीय संस्था, बजार, उद्योग, कारखानालगायत बन्द हुनेछन् । दमकल, एम्बुलेन्स, विद्युत्, खानेपानी, एटीएमलगायत अत्यावश्यक सरकारी कार्यालय, औषधि, खाद्यान्न पसल सञ्चालनमा आउने प्रजिअ अधिकारीले बताए । सुरक्षा निकायका, एम्बुलेन्सलगायत सवारी साधनबाहेक अन्य सञ्चालनमा रोक लगाइएको छ ।

प्रकाशित : आश्विन ९, २०७७ १२:१०
पूरा पढ्नुहोस्
प्रतिक्रिया
पठाउनुहोस्
×