लेबनानको राजधानी बेरुतमा ठूलो विस्फोट : दर्जनौं भवन ध्वस्त, मानवीय क्षतिको आशंका
बेरुत — लेबनानको राजधानी बेरुतमा मंगलबार साँझ ठूलो विस्फोट भएको छ । बेरुतको बन्दरगाह नजिक विस्फोट हुँदा धेरै भवनहरु ध्वस्त भएको र ठूलो संख्यामा मानवीय क्षति भएको अनुमान गरिएको छ ।
स्थानीय सञ्चारमाध्यमहरुले पोस्ट गरेको भिडियोमा विस्फोटपछिको ठूलो आवाज र धुँवाको मुस्लो देखिएको छ । भिडियोमा भवनहरु केही बेरमा ध्वस्त भएको देखिएको छ ।
सन् २००५ मा हत्या गरिएका पूर्वप्रधानमन्त्री रफिक हरिरीको मुद्दाको फैसला हुनुअघि राजधानी बेरुतमा भएको विस्फोटलाई अर्थपूर्ण रुपमा हेरिएको बीबीसीले जनाएको छ ।
तस्बिर : रोयटर्स
विस्फोटमा पूर्वप्रधानमन्त्री साद हरिरीको मुख्यालयसहित दर्जनौं भवनहरु ध्वस्त भएको सीएनएनले जनाएको छ ।
Another video from #Lebanon, you can see the smoke and what might be ?exploding fireworks? pic.twitter.com/Ze2vqqjB3A
— Abir Ghattas (@AbirGhattas) August 4, 2020
विस्फोटस्थलबाट १० किलोमिटर टाढा रहेका स्थानीय नागरिकले विस्फोटपछि ठूलो भूकम्पको धक्काझैं महसुस गरेको बताएका छन् । अहिलेसम्म के र कसरी विस्फोट भएको हो भन्ने केही नखुलेको लेबनानी अधिकारीहरुले बताएका छन् ।
घटनाको विस्तृत विवरण आइसकेको छैन ।
प्रकाशित : श्रावण २०, २०७७ २२:३०