कान्तिपुर वेबसाईट
AdvertisementAdvertisement

फ्रान्सको प्रधानमन्त्री पद त्यागेर नगरप्रमुख

कान्तिपुर संवाददाता

फ्रान्सका प्रधानमन्त्री फिलिप एडुवार्डले प्रधानमन्त्री पदबाट राजीनामा दिएर नगरप्रमुखको पद रोजेका छन् । स्थानीय निर्वाचनमा आब्र क्षेत्रबाट नगरपालिका प्रमुखमा उमेदवारी दिएका उनी प्रधानमन्त्रीको कार्यब्यस्तताका कारण निर्वाचनका बेला एकपटक पनि आफ्नो नगरपालिकामा प्रचारप्रसार गर्न फर्किएका थिएनन् ।

आफ्ना ईमान्दार कार्यकर्ता र उनको ईमान्दारिताका कारण निर्वाचनमा उपस्थित नै नहुँदा पनि उनलाई जिताएपछि उनले प्रधानमन्त्रीको पदबाट राजीनामा दिएर नगरप्रमुखमै बस्ने निर्णय गरेका हुन् । फिलिप नगरप्रमुखमा विजयी भएको फ्रान्स२४ डटकमले जनाएको छ ।

कम बोल्ने, देश र समाजका लागि चौबिसै घण्टा काममा खटिने र निस्कलंकित उनको छविका कारण राष्ट्रपति एमानुयल माक्रोंले उनलाई १५ मे २०१७ मा प्रधानमन्त्री पदमा नियुक्त गरेका थिए । विवादमा पर्नै नचाहने, कम बोल्ने, धेरै खट्ने र कानुनका ज्ञातासमेत भएकाले उनी राष्ट्रपतिका निकट सहयोगीसमेत थिए ।

आफूले नगरबासीसित चुनावको प्रचार त के हात मिलाउनसमेत नपाउँदा पनि जिताएकोमा भावुक बनेका उनले शुक्रबार प्रधानमन्त्रीको पदबाट राजीनामा दिएका थिए । शनीबार उनको राजीनामा स्वीकृत भएको छ । प्रधानमन्त्री पदबाट राजीनामा गरि नगरप्रमुख बनेर फिलिपले धेरैलाई आश्चर्यमा पारिदिएका छन् ।

अलजजिरा र बीबीसीका अनुसार उनी फ्रान्समा राष्ट्रपति माक्रोंभन्दा लोकप्रिय मानिन्छन् । उनी २०१७ मा प्रधानमन्त्री नियुक्त भएका थिए । उनलाई २०२२ मा हुने निर्वाचनमा राष्ट्रपति माक्रोंका प्रतिस्पर्धीका रुपमा पनि हेरिएको छ । फिलिपको राजीनमापछि राष्ट्रपतिले जाँ कासेकलाई प्रधानमन्त्री नियुक्त गरेका छन् ।

प्रकाशित : असार २०, २०७७ १९:१२
प्रतिक्रिया
पठाउनुहोस्

रत्यौली खेल्न संसद् चाहिएन, बिजनेस थिएन सरकारले रोक्यो : मन्त्री अर्याल

कान्तिपुर संवाददाता

ललितपुर — भूमि व्यवस्था सहकारी तथा गरिबी निवारण मन्त्री पद्‍माकुमारी अर्यालले बिजनेस नभएका कारण चालु संसद् अधिवेशन बन्द गरिएको प्रट्याएकी छन् । ९८ औं अन्तर्राष्ट्रिय सहकारी दिवस तथा २७ औं राष्ट्रिय सहकारी महासंघ दिवसका सन्दर्भमा शनिबार राष्ट्रिय सहकारी महासंघ लिमिटेडले ललितपुरमा गरेको कार्यक्रमलाई सम्बोधन गर्दै मन्त्री अर्यालले संसद्को बिजनेस नभएका कारण बन्द गरिएको बताएकी हुन् ।

संसद् अधिवेशन बोलाउने र बन्द गर्ने कुरा सरकारको भएको उल्लेख गर्दै मन्त्री अर्यालले संसद् रत्यौली खेल्नका निम्ति चलाइरहने संस्था नभएको बताइन् । ‘रत्यौली खेल्न संसद् चाहिएन, बिजनेस थिएन । सरकारले रोक्यो । कुनै कम्युनिष्ट पार्टीको स्थायी समिति बैठक र यसको कहीं मेल थिएन’, उनले भनिन् ।

बाँकी विधेयकहरुमाथि सहमति जुटिएकाले पनि संसद्‌ बिजनेसविहीन बनेको मन्त्री अर्यालको भनाइ थियो । 'हामीले बजेट ल्याउनुपर्ने थियो । यस्तो महामारीमा पनि अधिवेशन बोलाउनुपर्‍यो बोलायौं । बजेट पास भयो । केही-केही विधेयकहरु थिए, त्यो विधेयकमाथी छलफल गर्नुपर्ने थियो । सहमति जुट्यो ।’

राष्ट्रपति विद्यादेवी भण्डारीले मन्त्रिपरिषद्को सिफारिसमा बिहीबार अपरान्ह ५ बजेदेखि लागू हुनेगरी संघीय संसद्को बजेट अधिवेशन अन्त्य गरेकी थिइन् ।

सत्तारुढ नेकपाभित्रको विवादले कुनै दुर्घटना ननिम्तिने उनले दाबी गरिन् । भनिन्, ‘यो समस्याको समाधान गर्नका निम्ति कम्युनिष्ट पार्टी सक्षम छ, योग्य छ । विगतमा पनि यस्तो हुन्थ्यो । भएरै समाधान गर्दै, छलफल गर्दै यो उचाइमा आएको हो ।’ पार्टीभित्र नेताहरुका बीचमा छलफल, बहस, भनाभन हुने सामान्य कुरा भएको भन्दै उनले नेताहरु आपसमा बसेर निष्कर्ष निकालेर अगाडि बढ्ने विश्वास व्यक्त गरिन् ।

उनले सहकारीको संख्या अत्यधिक भएका कारण राज्यले मात्रै अनुगमन, नियमन गर्न कठिन रहेको बताइन् । स्वनियमनका कार्यलाई पनि अगाडि बढाउनुपर्ने आवश्यकता रहेको उनको भनाइ थियो ।

प्रकाशित : असार २०, २०७७ १८:५८
पूरा पढ्नुहोस्
प्रतिक्रिया
पठाउनुहोस्
×