कान्तिपुर वेबसाईट
AdvertisementAdvertisement

भारतको उत्तर प्रदेशमा ८ प्रहरी मारिए

(एजेन्सी)

कानपुर — भारतको उत्तर प्रदेश राज्यस्थित कानपुरमा लामो समयदेखि अपराधमा संलग्न रहेको भनिएका एक अभियुक्तको घर घेरा हाल्न पुगेको प्रहरी टोलीमाथि गरिएको आक्रमणमा ८ प्रहरीको ज्यान गएको छ । आक्रमणमा एक प्रहरी नायब निरीक्षकसहित ८ जनाको ज्यान गएको भारतीय सञ्चारमाध्ययमले जनाएका छन् ।

उत्तर प्रदेश प्रहरीका अनुसार घटना शुक्रबार बिहान सबेरै भएको हो । लामो समयदेखि अपराधमा संलग्न विकास दुवेको घरमा उनीसहित अन्य सहयोगी रहेको सूचनापछि प्रहरीले शुक्रबार बिहान घर घेरा हालेको थियो ।

तर घरभित्र रहेका व्यक्तिले चलाएको गोली लागी प्रहरी नायब निरीक्षक देवेन्द्र मिश्रसहित ८ जना प्रहरीको घटनास्थलमै ज्यान गएको हो । शुक्रबार बिहानै उक्त क्षेत्रमा उत्तर प्रदेश प्रहरी प्रमुखसहित ठूलो संख्यामा प्रहरी परिचालन गरिएको थियो ।

उनीहरुले घटनाबारे थप अनुसन्धान गरिरहेको जनाएका छन् । उत्तर प्रदेश राज्यका मुख्यमन्त्री योगी आदित्यनाथले घटनामा ज्यान गुमाउने प्रहरी अधिकारीहरुप्रति श्रद्धाञ्जली व्यक्त गर्दै दोषीमाथि कडा कारबाही हुने जनाएका छन् ।

प्रकाशित : असार १९, २०७७ २१:३४
प्रतिक्रिया
पठाउनुहोस्

चन्दागिरिमा मात्रै १० जना कोभिड संक्रमित

कान्तिपुर संवाददाता

काठमाडौँ — चन्दागिरि नगरपालिकामा मात्र शुक्रबार १० जनामा कोरोना संक्रमण देखिएको छ । नगरपालिकाको मातातिर्थस्थित जनविकास विद्यालयको क्वारेन्टाइनमा बसेको ४ जना र बाहिर देशबाट आएका ६ जनामा कोभिड –१९ संक्रमण पुष्टि भएको नगरप्रवक्ता हरिभक्त महर्जनले बताए ।


क्वारेन्टाइनमा रहेका दाङका २९ वर्षीय पुरुष, सिन्धुलिका ४२ वर्षीय, अर्घाखाँचीका ५३ वर्षीय र काभ्रेका ३१ वर्षLय पुरुष हुन् ।
क्वारेन्टाइका संक्रमित असार ५,६ र ७ गते नगरपालिका प्रवेश गरेका थिए ।

अन्य ६ जना संक्रमित अरु देशबाट आएको र उनीहरुको खोजी भइरहेको उनले बताए । क्वारेन्टाइनमा ४ जना संक्रमित बलम्बुस्थित कोभिड–१९ अस्पतालमा पुर्‍याइसकेको उनले बताए ।

प्रकाशित : असार १९, २०७७ २१:३०
पूरा पढ्नुहोस्
प्रतिक्रिया
पठाउनुहोस्
×