कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

असममा पहिरोले २० को मृत्यु

(एजेन्सी)

दिसपुर — भारतको उत्तरपूर्वी राज्य असममा केही दिनदेखि भइरहेको भारी वर्षापछिको पहिरोमा परी २० जनाको मृत्यु भएको छ ।

असममा पहिरोले २० को मृत्यु

सरकारी अधिकारीहरूका अनुसार चचार, हैलाकाँडी, करिमगन्जलगायतका जिल्लामा पहिरो गएको छ । भारतीय सञ्चार माध्यमका अनुसार चचारमा ७, हैलाकाँडीमा ७ र करिमगन्जमा ६ जनाको मृत्यु भएको हो । मृत्यु हुनेमा एकै परिवारका सदस्यहरूसमेत छन् ।

‘चचारमा मंगलबार गएको पहिरोका कारण ७ जनाको मृत्यु भएको छ भने केही घाइते भएका छन्,’ चचार जिल्ला विपद् व्यवस्थापन कार्यालयका आयोजना प्रमुख शमिम लस्करले भने, ‘मृतकमध्ये ६ जनाको शव पहिरोबाट बाहिर निकालिएको छ भने एक जनाको खोजी भइरहेको छ ।’

हैलाकाँडीमा पनि पहिरोले ७ जनाको मृत्यु भएको एक अधिकारीले जनाए । उनका अनुसार ५ जना घाइते भएका छन् । भारतीय प्रहरीका अतिरिक्त उपआयुक्त इएल फाइरहेमले भने, ‘हैलाकाँडीको अल्गापुर क्षेत्रमा गएको पहिरोमा परी ७ जनाको मृत्यु भएको छ । ५ जना घाइते भएका छन् ।’

घाइतेमध्ये २ जना सामान्य उपचारपछि घर फर्केका उनले जनाए । त्यस्तै करिमगन्जमा कम्तीमा ६ जनाको मृत्यु भएको र १० जना घाइते भएका स्थानीय सञ्चार माध्यमले जनाएका छन् ।

प्रकाशित : जेष्ठ २०, २०७७ २१:५८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?