चीनमा विद्यार्थी र कर्मचारीको दैनिक परीक्षण- विश्व - कान्तिपुर समाचार

चीनमा विद्यार्थी र कर्मचारीको दैनिक परीक्षण

(एएफपी)

बेइजिङ — चीनका विद्यालय तथा विभिन्न सरकारी कार्यालयहरूमा कोरोना भाइरसको परीक्षण गर्ने गरिएको छ । हरेक दिन पढ्न जाने विद्यार्थी र सरकारी तथा निजी कार्यालयका कर्मचारीलाई भाइरसको परीक्षण गरेर मात्र भित्र पस्न दिने गरिएको समाचारमा जनाइएको छ । हरेक दिन विद्यालय पुगेका विद्यार्थीहरू यो परीक्षणका लागि लाम लागेर उभिएको देखिने गरेको छ ।

कक्षाकोठाभित्र छिर्नुअघि उनीहरूको स्वाब परीक्षण गरिन्छ । त्यसपछि उनीहरूको रिपोर्ट नेगेटिभ आएपछि मात्र कक्षाकोठाभित्र छिर्न दिने गरिएको बताइएको छ । सांघाई र बेइजिङका विद्यालयहरू गत सातादेखि सञ्चालन गरिएको हो । भाइरसको संक्रमणसँगै बन्द विद्यालयमा हाल नियमित रूपमा पठनपाठन सुरु भएको जनाइएको छ ।

त्यसैगरी, सरकारी तथा निजी काममा रहेका कर्मचारीहरूको पनि स्वाब परीक्षण गरेरमात्र कार्यालयभित्र जान दिने गरिएको समाचारमा जनाइएको छ । त्यस्तै एक प्रान्तबाट अर्काेमा जान चाहने नागरिकले पनि परीक्षण नेगेटिभ आएपछि मात्र अनुमति पाउने गरेका छन् ।

बायोटेक कम्पनीहरूले भाइरसको परीक्षणसम्बन्धी किटहरू निकै ठूलो मात्रामा उत्पादन गर्ने गरेका पनि बताइएको छ । चीनका अधिकांश स्थानमा उच्च सतर्कताका साथ व्यवसाय तथा कार्यालयहरू विस्तारै खुला गर्न थालिएको छ ।

वुहानबाट गतवर्षको डिसेम्बरमा फैलिएको भाइरसका कारण चीनमा ४ हजार ५ सयभन्दा बढी मानिसको ज्यान गइसकेको छ ।

प्रकाशित : वैशाख १९, २०७७ २२:००
प्रतिक्रिया
पठाउनुहोस्

ट्‍वीटरका संस्थापक डोर्सेद्वारा १ अर्ब डलर सहयोगको घोषणा

(एएफपी)

वासिङ्टन — सामाजिक सञ्जाल ट्वीटरका प्रमुख कार्यकारी अधिकृत ज्याक डोर्सेले कोरोनाभाइरस महामारीसँग सम्बन्धित राहतका कार्यमा खर्च गर्ने गरी एक अर्ब अमेरिकी डलर उपलब्ध गराउने घोषणा गरेका छन् ।  उक्त रकम डोर्सेले स्थापना गरेको स्क्वाएर इन्कको लगानीबाट उपलब्ध गराउने बताइएको छ । 

ट्वीटमा डोर्सेले आफ्नो सम्पत्तिको झण्डै २८ प्रतिशत बराबरको रकम परोपकारी कार्य गर्नेगरी खोलिएको संस्था स्टार्ट स्मल एलएलसीमा प्रदान गरेको उल्लेख गरेका छन् । फोर्ब्सका अनुसार डोर्सेको कूल सम्पत्ति करिब ३३ अर्ब अमेरिकी डलर रहेको छ ।

प्रकाशित : चैत्र २६, २०७६ १६:०३
पूरा पढ्नुहोस्
प्रतिक्रिया
पठाउनुहोस्
×