बेलायती प्रधानमन्त्री अझै सघन उपचार कक्षमा
लन्डन — बेलायती प्रधानमन्त्री बोरिस जोनसन अझै सघन उपचार कक्षमा रहेको डाउनिङ स्ट्रीटले जनाएको छ । कार्यालयका अनुसार बोरिसको मनोबल उच्च छ ।
उनको अक्सिजनमा आधारित उपचार भइरहेको तर उनले बिना कुनै सहायता सास फेरि रहेको डाउनिङ स्ट्रीटले जनाएको छ । चिकित्सकहरुका सल्लाहअनुसार उनले अस्पतालमा कुनै काम गरेका छैनन् । उनले तीन रात अस्पतालमा बिताइसकेका छन् ।
कोरोना संक्रमित प्रधानमन्त्री जोन्सन १० दिनसम्म स्व-एकान्तवासमा बसेपछि थप परीक्षणका लागि अस्पताल भर्ना गरिएका थिए ।
गत २७ मार्चमा प्रधानमन्त्री जोन्सनले आफू कोरोनाबाट संक्रमित भएको जनाएका थिए । उच्च ज्वरो नघटेपछि उनलाई अस्पताल भर्ना गर्नुपरेको थियो ।