कोरोना भाइरसबाट अमेरिकी गायक जोन प्राइनको निधन

उनका परिवारका अनुसार गत महिना प्राइनलाई कोभिड-१९ को लक्षण देखिएपछि अस्पताल भर्ना गरिएको थियो ।

'यो खबर तपाईँहरुलाई सुनाउन गाह्रो छ । तर, तपाईँ जसले जोनलाई माया अनि साथ दिनुभयो, तपाईँहरुले खबर पाओस् भन्ने चाहन्थ्यौं । अझै उहाँलाई धैरै साथ र सहयोग दिने मौका हजुरहरुलाई दिन चाहन्छौं । तपाईँहरुलाई थाहै नै छ हामी तपाईँलाई प्रेम गर्छौं, अनि जोनले पनि' उनका परिवारले भनेका थिए । ग्र्यामी अवार्ड जितेका प्राइनलाई ७० को हुँदा क्यान्सर लागेको थियो ।

'ही इज सिङगिङ विथ दि एन्जल्स' गायिका सेरल क्रोले ट्विटरमा लेखेकी छिन्,'तिमी सम्झनामा रहनेछौ तर तिम्रा गीतहरु सँधै जिवित रहनेछन् ।'

सिकागोमा हुर्केका प्राइनको संगीत यात्राले सन् १९७० मा उचाइ लिएको थियो । त्यसबेला उनी सिकागोका नाइटबारमा गीत गाउँथे । विस्तारै उनले दर्शकको मन जित्न थाले । उनको पहिलो एल्बम सन् १९७१ मा सार्वजनिक भएको थियो । 'प्याराडाइज', हेल्लो इन दियर', 'स्याम स्टोन' उनका चर्चित गीतहरु हुन् ।