एक हप्तामै अमेरिकामा बेरोजगारको संख्या ह्वात्तै बढ्यो,

यो अमेरिकी श्रम बजारको इतिहासमै कीर्तिमानी संख्या हो ।

सन् १९६७ देखि तथ्यांक राख्न थालिएको बेरोजगारी सम्बन्धी रिपोर्टअनुसार यसअघि सन् १९८२ को अक्टोबरमा सर्वाधिक ६ लाख ९५ हजार अमेरिकीहरुले बेरोजगारी भत्ताका लागि आवेदन हालेका थिए ।

कोभिड १९ को प्रभावले अमेरिकामा प्रमुख एवं ठूला सहरहरु ‘लकडाउन’ छन् भने रेष्टुरेन्ट व्यवसाय चौपट बनेको छ ।

विज्ञहरुले प्राकृतिक प्रकोपझैं कोरोना भाइरसको आंतकले अर्थतन्त्रलाई गम्भीर असर गरिरहेको र बेरोजगार भत्ता आवेदकहरुको संख्या चुलिनु त्यसैको उपज भएको दाबी गरेका छन् । उनीहरुले आगामी समयमा लाखौंको रोजगार गुम्न सक्ने दावी गरेका छन् ।

मार्च महिनाको दोस्रो सातामा बेरोजगारी भत्ता आवेदकहरुको संख्या मात्र दुई लाख ८२ हजार मात्र थियो । एकै सातामा चुलिएका यो संख्याले अमेरिकी श्रम बजारको स्थितिलाई संकेत गरेको विज्ञहरुको धारणा छ ।