इरानमा पक्राउ परेका अमेरिकी नागरिक माइकल ह्वाइट रिहा

‘इरानमा रहँदा स्वास्थ्य उपचारमा समस्या हुने देखिएपछि मानवीय संवेदनाका आधारमा रिहा गर्न भनिएको थियो । हाल उनी तेहरानस्थित स्विस दूतावासको हिरासतमा बसेर स्वास्थ्य परीक्षण गराइरहेका छन्,’ पोम्पियोद्वारा जारी विज्ञप्तिमा भनिएको छ ।

मंगलबार मात्र पोम्पियोले एक पत्रकार सम्मेलनमा तेहरानले केही अमेरिकी नागरिकलाई रिहा गर्न लागेको खुलासा गरेका थिए । उनले कोरोना भाइरसको संवदेनशीलताका आधारमा अमेरिकी नागरिकलाई रिहा गर्न इरानसमक्ष माग गरिएको बताएका थिए । इरानमा हालसम्म १६ हजार १ सय ६९ जनामा कोरोना संक्रमण पुष्टि भएको छ भने ९ सय ८८ को मृत्यु भइसकेको छ ।