फ्रान्समा पारासिटामोल, मास्क र पञ्‍जाको खरिदबिक्रीमा रोक, स्वास्थ्यकर्मीको समर्थनमा हरेक दिन ताली- विश्व - कान्तिपुर समाचार
कान्तिपुर वेबसाईट
AdvertisementAdvertisement

फ्रान्समा पारासिटामोल, मास्क र पञ्‍जाको खरिदबिक्रीमा रोक, स्वास्थ्यकर्मीको समर्थनमा हरेक दिन ताली

ददि सापकोटा

पेरिस — बुधबारदेखि फ्रान्समा पारासिटामोल, मास्क र पञ्जाको बिक्रीवितरणमा सरकारले पूर्णरुपमा प्रतिबन्ध लगाउने घोषणा गरेको छ । कोरोना भाइरसको संक्रमण बढ्दै जाँदा बजारमा पारासिटामोल, मास्क र पञ्‍जाको अभाव बढ्दै गएपछि सरकारले यस्तो निर्णय गरेको हो । अब सिटामोल खरिद गर्न पनि चिकित्सकको सिफारिस चाहिने छ ।

कोरोनाभारसको संक्रमण बढ्दै जाँदा नागरिकले औषधि पसलबाट व्यापक रुपमा पारासिटामोल, ञ्‍जा मास्क खरिद गरिदिँदा स्वास्थ्य क्षेत्रमा अभाव सिर्जना भएको भन्दै यस्तो निर्णय गरिएको स्वास्थ्य सेवा विभाग पेरिसका महानिर्देश प्रध्यापक जेरोम सालामोँले सार्वजनिक गरेका छन्

फ्रान्समाहरेक दिन चिकित्सकहरुलाई कम्तीमा ६० लाख थान पञ्‍जाआवश्यक पर्ने, लाखौं बट्टा सिटामोल चाहिने नागरिकहरुले स्टक राख्‍न खरिद गरिदिँदा चिकित्सकहरुलाई अभाव भएकाले बन्देज गरिएको बताइएको

नागरिकहरुमाउचित तरिकाले ञ्‍जा मास्क लगाउने ज्ञान नहुँदा त्यसले भारस रोक्नुको साटो झन फैलाउन सक्ने म्‍भावना रहेकाले पनि प्रतिबन्ध लगाउने निर्णय गरिएको सालामोँले बताए

यसैबी,कोरोना भारसको संक्रमणका बेला स्वास्थ्यकर्मीहरुले रातदिन खटेर स्वास्थ्य सेवा पुर्याएकाले तिनको मनोबल बढाउन, आदर सम्मानस्वरुप हरेक साँझ सात बजेदेखि आठ बजेसम्म झ्‍यालझ्यालबाट ताली बजाइने मंगलबार बिहानदेखि सामाजिक ञ्‍जालबाट यो अभियान सुरु गरिएको थियो साँझ सात बजे पेरिसका विभिन्न ठाउँमा नागरिकहरुले झ्याल खोलेर ताली बजाएका थिए उनीहरुले कोरोना भारसको संकट पूर्ण रुपमा नहटेसम्म यसलाई जारी राख्‍ने छन् यसअघि यस्तै अभियान स्पेनका नागरिकहरुले पनि चलाएका थिए

स्वास्थ्यसेवा विभाग, पेरिसका महानिर्देशक जेरोम सालामोँका अनुसार फ्रान्समा कोरोना भारस फैलिएपछि हालसम्म सात हजार सात सय ३० जनामा संक्रमण भएको तीमध्ये एक सय ७५ जना भएको भने सय ९० जना सघन उपचारमा छन् तीमध्ये सात प्रतिशत ६५ वर्षभन्दा कम उमेरका छन् सालामोँले हरेक तिनदिनमा कोरोनाबाट संक्रमितको संख्या तेब्बर हुने आगामी केही दिनसम्म यो प्रवृत्ति बढ्ने पनि सार्वजनिक गरेका छन्

प्रकाशित : चैत्र ५, २०७६ १३:३६
प्रतिक्रिया
पठाउनुहोस्

कोरोना प्रकोप : युरोपमा रहेका अधिकांश नेपालीलाई कोठाभाडा तिर्नै मुस्किल

ददि सापकोटा

पेरिस — दुई महिनाअघि पोर्चुगल पुगेका बागलुङका छत्र अधिकारी यतिखेर घर न घाटको भने झैं भएका छन् । खेतीको काम गर्दै आएका उनी अहिले कोरोना भाइरस(कोभिड-१९) को प्रकोप बढेसँगै समस्यामा परेका हुन् । ठण्डीयाममा त्यसै पनि पोर्चुगलमा खेतीको काम उति हुन्न । भएका कर्मचारी पनि कोभिड-१९ को प्रभावले गर्दा निकालिएपछि उनी जस्ता दर्जनौं नेपाली कामविहीन भएका छन् ।

सरकारी भत्ता लिन त्यहाँ कम्तीमा ६ महिना सरकारलाई कर तिरेर तलब लिएको प्रमाण पेस गर्नुपर्छ । ६ महिना नपुगेकाले उनलाई पोर्चुगलको सरकारले सरकारी भत्ता दिँदैन । सरकारी मान्यताभित्र नपरेकालाई साहुले पनि कामबाट पनि सजिलै निकाल्ने गरेकाछन् । काम गर्ने इजाजत नपाएका यस्ता आप्रवासीलाई आवास र दैनिक गुजाराको भत्ता पनि सरकारले दिँदैन ।

'पेपर बन्ला भनेर खेतीको काम गर्दै थिएँ। अब काम हुन्न भनेर साहुले बिदा दियो । मेरो पेपर पनि बिग्रिने भयो । भत्ता त झन पाउने कुरै भएन । होटेल रेस्टुरेन्टमा काम खोजौं टुरिस्ट नआएर चलेका छैनन् । पैसा कमाउन आएको उल्टो घरबाटै पैसा मगाएर खानुपर्ने भयो,'अधिकारीले गुनासो गरे ।

त्यसो त, कोरोनाको मार पोर्चुगलमा मात्रै होइन युरोपभरिकै नेपालीलाई परेको छ । फ्रान्स, इटाली, पोर्चुगल, जर्मनी, स्विजरल्याण्डलगायतका दर्जनौं देशमा नेपालीहरुको अवस्था कठिन हुने देखिन्छ ।

बेलायतबाट जर्मनी पुगेर सुसी रेस्टुरेन्ट चलाएका एनआरएनए अभियन्ता सुवास पोखरेल कोरोनाको प्रभावले रेस्टुरेन्ट सुनसान भएपछि यतिखेर नेपाल पुगेका छन् । मासिक तीन हजार पाँच सय मार्क भाडा तिरेर रेस्टुरेन्ट चलाइरहेका थिए । कोभिड-१९ को प्रभावले ग्राहकहरु स्वात्तै घटेकाले उनी नेपाल पुगेका हुन् । 'कोरोनाको त्रासपछि मान्छे छिर्नै छोडे । व्यापार नभएपछि के कुर्ने भनेर म नेपाल आएँ,'भिडियो वार्तामा उनले कान्तिपुरसित भने, 'यही चालहो भने मैले व्यवसायधान्नै सक्दिनँ । यस्तो अवस्थामा धेरै नेपाली पर्न सक्छन् ।'

कोरोनाको असरबाट‍ने पाली विद्यार्थी अझ धेरै समस्यामा परेका छन् ।फ्रान्सको पेरिसमा हाल लगभग चार हजार नेपाली विद्यार्थी विभिन्‍न कलेजमा अध्ययनरत छन् । तिनले मासिक कम्‍तीमा सात सय युरो कलेजलाई शुल्क बुझाउनुपर्छ । सानो कोठा भाडामा लिए पनि महिनाको कम्तीमा पनि सात सय युरो तिर्नुपर्छ । अधिकांश विद्यार्थीले विभिन्न होटेल, रेस्टुरेन्ट,बारमा काम गर्छन् । विद्यार्थीहरुलाई दिनको दुई घण्टा मात्रै पार्टटाइम काम गर्ने अनुमति हुन्छ । तर दैनिक खर्च र कलेजको शुल्क तिर्न तिनले रोजगारदातासँगको सहमतिमा पूर्णकालीन कामदारका रुपमा काम गर्छन् । अघोषित रुपमा गरेको कामको पारिश्रमिक साहुसँगको सहमतिमा लिने गर्छन् । सरकारले होटेल, रेस्टुरेन्टर बारहरु अनिश्चितकालका लागि बन्द गरिदिएपछि तिनको अवस्था नाजुक बन्ने देखिएको छ । सरकारले पूर्णकालीन काम गर्नेहरुलाई मात्रै भत्ता दिने घोषणा गरेकाले विद्यार्थीले जति घण्टा उल्लेख गरेका छन् त्यति नै घण्टाको मात्रै भत्ता पाउने छन् । त्यति भत्ताले तिनलाई कलेजको शुल्क तिर्न पनि पुग्दैन ।

यस्तै मारमा परेका एक विद्यार्थी हुन् पेरिसको एसएलसा बिजनेस कलेजमा बीबीए अध्ययन गरिरहेका अछामका ग्रिस कुँवर । उनी भन्छन्, 'होटेल रेस्टुरेन्ट नै बन्द भएपछि अब कलेजको शुल्क कसरी तिर्ने भन्ने भएको छ । व्यवसाय नै बन्द भएपछि साहुले पनि पैसा दिने कुरो हुन्न । धेरै समय बन्द भयो भने त हामीले कोठा भाडासमेत तिर्न सक्ने अवस्था छैन । हामी जस्ता हजारौं विद्यार्थीको त बिजोगै हुनेवाला छ ।'

नेपाली पत्रकारहरुकोअन्तर्राष्ट्रिय सञ्जाल इन्जाका सदस्य विष्णु शर्माका अनुसार पोर्चुगल सरकारले निकालेको तथ्यांकअनुसार त्यहाँ करिब २२ हजार आप्रवासी नेपाली छन् । तीमध्ये धेरै नेपालीले पोर्चुगलको आवासीय भिसा र रोजगारीका लागि आवेदन दिएका छन् । पोर्चुगलको कानुनअनुसार कोरोना भाइरसका कारणले कामबाट निकालिनु परेका नेपालीले ६० प्रतिशत सरकारी भत्ता पाउने छन् । तर ६ महिना नपुगेकालाई त्यो सुविधा हुन्न । यिनलाई रोजगारदाताले पनिकामबाट सजिलै निकाल्न सक्छ ।

आवासीय भिसा र रोजगारीका लागि आवेदन दिएकाहरु कामबाट निकालिएपछि तिनको प्रक्रिया नै रद्द हुन सक्छ । 'सरकारी कानुनअनुसार रीत पुर्‍याएर काम गरेकाहरुलाई पनि सरकारले दिने घोषित तलबको ६० प्रतिशतमात्रै हो । ६० प्रतिशतका दरले मासिक करिब चार सय युरो बुझ्लान् । त्यति तलबले त परिवार धान्नै पुग्दैन । झन काम नहुनेहरुको त बिजोगै हुन सक्छ,' विष्णु शर्मा भन्छन् ।

इटालीको अवस्था झनै नाजुक छ । इटालीको मिलानमा बस्दै आएका नवलपरासीका शिव रिजालका अनुसार कोरोनाको प्रभावले इटालीमा करिब एक हजार पाँच सय नेपाली बेरोजगार बनेका छन् । इटालीले धेरै क्षेत्रलाई बन्द गरेको छ । घरबाट बिनाकारण निस्किए ६ महिना जेल र दुई हजार युरो जरिवाना घोषणा गरेकोछ । 'धेरै आप्रवासी कामबाट निकालिए । जागिर खोज्न जाने त प्रश्नै छैन घरबाट निस्किँदा पनि जेल जानुपर्ने अवस्था छ,' उनले सुनाए ।

इटालीमा धेरै नेपालीले सरकारी नियमअनुसार पूर्णकालीन कामको इजाजत लिएका पनि हुँदैनन् । पूर्णकालीन कामको नियुक्ति दिएर काम लगाउँदा रोजगारदाताले सरकारलाई चर्को कर तिर्नुपर्ने हुँदा दिनको दुई-तीन घण्टाका दरले दर्ता गरेर साहुसँगको सहमतिमा धेरै घण्टा काम गर्ने र बाँकी घण्टाको टेबलमुनिबाट पैसा लिने गर्छन् । पूर्णकालीन कामदारलाई ८० प्रतिशत भत्ता दिने इटालियन सरकारको यो सुविधा तिनले पाउने छैनन् । 'सरकारले त जति घण्टा डिक्लेयर गरेको हो उति घण्टाको हिसाब गरेर ८० प्रतिशतका दरले मात्रै भत्ता दिन्छ ।दुई घण्टा दरले भत्ता पाउँदा त तिनलाई खान पनि पुग्दैन । यस्तो अवस्थामा धेरै नेपाली छन्,' शिव रिजाल सुनाउँछन् ।

सरकारले घोषणा गरेको त्यही भत्ता पनि सबै नेपालीले पाउँछन् भन्ने निश्चित छैन । कामबाट निकालिएका त्यस्ता कर्मचारीको सरकारी भता रोजगारदातालाई जान्छ । रोजगारदाता इमानदार परे उसले आफ्नो कर्मचारीलाई दिन्छ । इमानदार नपरे रोजगारदाताले नै खाइदिन्छ । 'सबै साहु इमानदार हुँदैनन् । साहु राम्रो परे त देला । नदिए मुद्दामामिला गरेर असुल्न नेपालीले कानुन जान्दैनन् । भाषा हुन्न । साहु गतिलो परेन भने त त्यही पैसा पनि साहुले खाइदिन्छ । धेरै नेपाली हेरेको हेर्‍यै हुन सक्छन्,' उनको भनाइ छ ।

स्पेनको बार्सिलोना निवासी गोपाल रेग्मी अहिले आफ्नो बार बन्द गरेर घरमै बिताइरहेका छन् । सरकारले व्यापारीलाई सहयोग गर्ने भने पनि के कति सहयोग गर्ने भन्नेबारे यकिन गरेको छैन । उनलाई बारको भाडा, कर्मचारीको तलब, बिजुली र कर कसरी तिर्ने भन्ने समस्याले पिरोलेको छ । 'व्यापारको त कुरै छोड्नुस् जेल जस्तो भो जिन्दगी । कतै नजा, निस्किन पाइन्न भन्छ । दुई दिन घरमा बस्दा नेपालका सबै फिल्म र युट्युब सामग्री हेरेर सकें । अब कसरी बिताउने ?,' उनी प्रश्न गर्छन् ।

रेग्मीका अनुसार धेरै नेपालीहरु गाउँगाउँमा खेतीमा काम गर्छन् । तिनको धेरै नेपालीसँग सम्पर्क पनि हुन्न । कतिपय आप्रवासीलाई रोजगारदाताले खेतीकै नजिक स-साना टहरा बनाएर बस्न दिएको हुन्छ । कामबाट निकालेपछि तिनको बस्ने थलो पनि हुन्न । 'तिनलाई न तलब हुन्छ । नभत्ता पाइन्छ । बस्ने ठाउँ पनि नभएपछि ती नेपाली कहाँ जाने ?,' उनी भन्छन् ।

चीनमा कम हुँदै गएको कोभिड-१९ को प्रकोप युरोप र अमेरिकाभने बढ्दै गएको छ । आइतबार मात्रै इटालीमा ३६८ जनाको मृत्यु भएको छ । सोमबार दिउँसोसम्म इटालीमा एक हजार ८ सय ९ को मृत्यु भएको छ । त्यस्तै अहिलेसम्म स्पेनमा २९४, फ्रान्समा१२७, बेलायतमा ३५, नेदरल्यान्ड्समा २०, स्विजरल्यान्डमा १४ र जर्मनीमा १३ जनाको मृत्यु भएको छ ।

प्रकाशित : चैत्र ३, २०७६ १४:३३
पूरा पढ्नुहोस्
प्रतिक्रिया
पठाउनुहोस्
×