अन्टार्क्टिकाको तापक्रम पहिलो पटक २०.७५ डिग्री सेल्सियस

एजेन्सी

काठमाडौँ — वैज्ञानिकहरुले अन्टार्क्टिकामा अहिलेसम्मकै उच्च तापक्रम मापन गरिएको बताएका छन् । अन्टार्क्टिका महाद्वीपमा पहिलो पटक २०.७५ डिग्री सेल्सियस (६९.३५ डिग्री फहरेनहाइट) मापन गरिएको अनुसन्धानकर्ताहरुले बिहीबार जानकारी दिएका छन् ।

ZenTravel

‘हामीले अन्टार्क्टिकामा यत्रो तापक्रम बढेको कहिल्यै थाहा पाएका थिएनौं,’ ब्राजिली वैज्ञानिक कार्लोस सेफरले एएफपीसँगको कुराकानीमा भनेका छन् । कार्लोसका अनुसार फेब्रुअरी ९ मा सेमोर आइल्यान्डबाट २०.७५ डिग्री सेल्सियस तापक्रम मापन गरिएको हो ।

Meroghar

अर्जेन्टिनाका वैज्ञानिकहरुले यसअघि फेब्रुअरी ६ मा अन्टार्क्टिकाको तापक्रम १८.३ डिग्री सेल्सियस पुगेको बताएका थिए । मानवीय गतिविधिका कारण विश्वमै जलवायु परिवर्तनको असर देखिएको र अन्टार्क्टिकामा पनि त्यसको प्रभाव परेको वैज्ञानिकहरुले जानकारी दिएका छन् । अन्टार्क्टिकाको ‘ग्लेसियर’ र ‘आइस शीट’ पग्लिँदै जाँदा समुद्री सतह बढ्दै गएको र त्यसको प्रत्यक्ष प्रभाव समुद्री किनारमा रहेका सहरहरु र साना टापु देशहरुमा परेको पनि वैज्ञानिकले बताएका छन् ।

यसअघि मार्च २४, २०१५ मा अन्टार्क्टिकाको तापक्रम १७.५ डिग्री सेल्सियस मापन गरिएको थियो । सन् १९६१ देखि अन्टार्क्टिकाको तापक्रम मापन सुरु गरिएको हो ।

प्रकाशित : फाल्गुन २, २०७६ १०:५१
प्रतिक्रिया
पठाउनुहोस्
ADVERTISEMENT

धादिङमा फेरि स्कुटर दुर्घटना, १ को मृत्यु, १ जना घाइते

हरिहरसिंह राठौर

धादिङ — जिल्लाको बेनीघाट चरौंदीमा स्कुटर दुर्घटना हुँदा १ जनाको मृत्यु भएको छ । १ जना घाइते भएका छन् ।

बिहीबार राति पृथ्वी राजमार्गअर्न्तगत धादिङ बेनीघाट रोराङ ६ स्थित चरौंदीमा काठमाडौं तर्फ आउँदै गरेको भारतीय बीआर ०६जीडी ८६७१ नं. प्लेटको ट्रकले विपरीत दिशाबाट आएको प्र.३–०२– ०१४प–३९८९ नं.को स्कुटरलाई ठक्कर दिँदा सोलुखुम्बु मुक्ली नगरपालिका–१ का २२ वर्षीय स्कुटर चालक प्रकाश बस्‍नेतको मृत्यु भएको प्रहरीले जनाएको छ ।
दुर्घटनामा सोही स्कुटरमा सवार काभ्रे खहरेपागु गाउँपालिका घर भई हाल काठमाडौं महाराजगन्ज बस्दै आएका शनिस थापा घाइते भएका ईलाका प्रहरी कार्यालय गजुरीका प्रहरी निरीक्षक भोजराज पाण्डेले बताए । स्कुटरलाई ठक्कर दिने ट्रक तथा चालकलाई प्रहरीले नियन्त्रणमा लिएको छ ।

बुधबार रातिमात्रै गजुरी चाम्वासमा काठमाडौंबाट चितवन जाँदै गरेको स्कुटर दुर्घटना हुँदा अभिनेत्री महिमा सिलवाल र उनकी दिदी शर्मिलाको निधन भएको थियो ।

प्रकाशित : फाल्गुन २, २०७६ १०:३४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×