हिमपहिरोमा ७ जनाको मृत्यु- विश्व - कान्तिपुर समाचार
कान्तिपुर वेबसाईट
AdvertisementAdvertisement

हिमपहिरोमा ७ जनाको मृत्यु

रासस/सिन्ह्वा

निली, अफगानिस्तान — अफगानिस्तानको एक प्रान्त दायकुन्डीको एक गाउँमा आएको हिमपहिरोमा परी एकै परिवारका चार सदस्यको मृत्यु भएको छ । यस हिमपहिरोमा परी घाइते भएका सोही परिवारका अन्य एक जनालाई उद्धार गरिएको छ । त्यस पहिरोमा दुई जना बेपत्ता भएका प्रान्तीय सरकारका प्रवक्ताले बिहीबार बताएका छन् ।

दुर्गम स्थानमा रहेको मिरामुर जिल्लाको हेसर गाउँमा यो घटना भएको बताइएको छ । बुधवार अवेर राति घर हिमपहिरोले पुरिएपछि एक परिवार प्रभावित भएको सरकारका प्रवक्ता सकीना एहसानीले सिन्ह्वालाई बताएका छन् । स्थानीय गाउँलेहरुले चार जनाको लास भेट्टाएको र यसै परिवारका एक सदस्य घाइते भएका र उनलाई उद्धार गरेको अझै दुई जना बेपत्ता रहेका प्रवक्ता बताएका छन् ।

अफगानिस्तानको राजधानी काबुलबाट २९० किलोमिटर पश्चिममा रहेको सो प्रान्तमा बुधबारको हिमपहिरोमा परी चार जनाको मृत्यु भएको तथा सोही दिन छिमेकमा पर्ने प्रान्तमा अन्य तीनको मृत्यु भएपछि यो सङ्ख्या सात पुगेको छ ।

प्रकाशित : फाल्गुन १, २०७६ १४:०७
प्रतिक्रिया
पठाउनुहोस्

भुइँको टिप्‍न खोज्दा खल्तीको गुमायौं : सांसद तामाङ 

कृष्ण थापा

नुवाकोट — प्रतिनिधिसभाका सांसद एवं पूर्वमन्त्री हितबहादुर तामाङले संविधान कार्यान्वयन हुन नदिने गम्भीर षड्यन्त्र भइरहेको बताएका छन् । ‘संविधानलाई कार्यन्वयन हुन नदिने गम्भीर षड्यन्त्रका गतिविधिहरु गरिराखेका छन्,’ उनले भने,‘त्यो स्थितिमा हामीले यो पहिचानको मात्रै कुरा गरेर अडान राखिरहँदा संविधानै गुम्‍ने खालको अवस्था छ ।’ उनले अहिलेको संविधान कुनै घुन पुत्ला नलाग्‍ने खालको भएको दाबी पनि गरे । 

विदुर नगरपालिका ९ कोलनीमा बुधबार राष्ट्रिय पर्व मञ्जुश्री सम्बत् २८५६ औं जिवा/ङयाम्ङयु ल्हो (मुसा वर्ग) लाई स्वागत गर्ने आयोजित ल्होछार कार्यक्रममा सांसद तामाङले एकथरीले संघीयता, परिवर्तन, गणतन्त्र र धर्म निरपेक्षतालाई नरुचाएको आरोप लगाए । २०६५ सालमा संविधानसभा विघटन हुनुमा जनजाति र तत्कालीन नेकपा (माओवादी)ले पहिचानसहितको संघीयताको अडान लिएकै कारण भएको सांसद तामाङले स्वाकारे बताए । उनले भने, 'आदिवासी जनजाति, मधेसी, थारु सबैले पहिचानको पक्ष छोड्नु हुँदैन भने । धर्ना दियौं । ज्ञापन पत्र बुझाएँ । तर संविधान निर्माण हुन सकेन '

पूर्वमन्त्री तामाङले त्यतिखेर संविधान बनाउन चाहेको थियो भने बहुपहिचानसहितको नेवाः ताम्सालिङको बन्‍ने अवस्था रहेको बताए । ‘हामीले ताम्सालिङ नै चाहिन्छ भनेर लड्यौं',उनले भने, ‘दोस्रो संविधानसभा निर्वाचनमा नेपाली जनताले दण्डित गरे, भुइँको टिप्‍न खोज्दा खेरी खल्तीको गुमायौं ।’

वाग्मती प्रदेशका उपसभामुख राधिका तामाङले सोनाम ल्होसार चउरमा सुरु भएको उल्लेख गर्दै चउरमा अन्त्य गर्न नहुने बताइन् । संस्कार र संस्कृति जोगाउँदै गर्दा कतै न कतै राजनीति घुसाईको शंका पैदा भएको उनको भनाइ थियो ।

कार्यक्रम पूर्वपर्यटन राज्यमन्त्री परशुराम तामाङ, भाषाविद् अजितमान तामाङ, भीम तामाङ लगायतले तामाङहरुको ल्हो फेर्ने ल्होसार पर्वको रुपमा हेरिनु पर्ने बताउँदै पार्टीसँग नजोडी एकताबद्ध भएर अगाडि बढ्नु पर्ने बताए ।

प्रकाशित : फाल्गुन १, २०७६ १३:३५
पूरा पढ्नुहोस्
प्रतिक्रिया
पठाउनुहोस्
x
×